Biryńǵai jinaqtaýshy zeinetaqy qorynyń zeinetaqy aktivteriniń tabysy jyl basynan beri 6,48% kórsetti, infliatsiia 5,3% boldy, dep habarlaidy "Ult aqparat".
«Salymshylardyń shottaryndaǵy taza investitsiialyq kiris jyl basynan beri 798,3 mlrd teńgeni qurady, osylaisha sharttardyń barlyq túrleri boiynsha túsetin jarnalardyń kóleminen asyp tústi. Ótken jyldyń osy kezeńinde ol 752,9 mlrd teńge boldy», - dep habarlady BJZQ-nyń baspasóz qyzmeti.
Bul rette jyl basynan beri Ulttyq banktiń basqarýyndaǵy BJZQ zeinetaqy aktivteriniń kiristiligi 6,48% kórsetti, sol kezeńdegi infliatsiia 5,3% boldy.
«Eger QR UB basqarýyndaǵy zeinetaqy aktivteriniń kiristiligin jyldyq mánde, iaǵni sońǵy 12 aida qarastyratyn bolsaq, onda ol infliatsiia 8,4% kezinde 10,56% qurady», - delingen habarlamada.
