بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸنٸڭ تابىسى جىل باسىنان بەرٸ 6,48% كٶرسەتتٸ, ينفلياتسييا 5,3% بولدى, دەپ حابارلايدى "ۇلت اقپارات".
«سالىمشىلاردىڭ شوتتارىنداعى تازا ينۆەستيتسييالىق كٸرٸس جىل باسىنان بەرٸ 798,3 ملرد تەڭگەنٸ قۇرادى, وسىلايشا شارتتاردىڭ بارلىق تٷرلەرٸ بويىنشا تٷسەتٸن جارنالاردىڭ كٶلەمٸنەن اسىپ تٷستٸ. ٶتكەن جىلدىڭ وسى كەزەڭٸندە ول 752,9 ملرد تەڭگە بولدى», - دەپ حابارلادى بجزق-نىڭ باسپاسٶز قىزمەتٸ.
بۇل رەتتە جىل باسىنان بەرٸ ۇلتتىق بانكتٸڭ باسقارۋىنداعى بجزق زەينەتاقى اكتيۆتەرٸنٸڭ كٸرٸستٸلٸگٸ 6,48% كٶرسەتتٸ, سول كەزەڭدەگٸ ينفلياتسييا 5,3% بولدى.
«ەگەر قر ۇب باسقارۋىنداعى زەينەتاقى اكتيۆتەرٸنٸڭ كٸرٸستٸلٸگٸن جىلدىق مەندە, ياعني سوڭعى 12 ايدا قاراستىراتىن بولساق, وندا ول ينفلياتسييا 8,4% كەزٸندە 10,56% قۇرادى», - دەلٸنگەن حابارلامادا.
