2019 jylǵy shildedegi jaǵdai boiynsha BJZQ zeinetaqy aktivteri portfeliniń kólemi 9 995,5 mlrd teńgeni qurady, dep habarlady Ulttyq banktiń baspasóz qyzmeti.
BJZQ zeinetaqy aktivterin investitsiialaý strategiiasyna sáikes investitsiialyq portfeldi saqtalýy men kiristiligin qamtamasyz etýge baǵyttalǵan ártaraptandyrý maqsatynda zeinetaqy aktivteri valiýtalar, elder, sektorlar jáne emitentter boiynsha ártúrli qarjy quraldaryna investitsiialandy.
"2019 jylǵy 1 shildedegi jaǵdai boiynsha BJZQ zeinetaqy aktivteri portfeliniń kólemi 9 995,5 mlrd teńgeni qurady. Aqsha qarajaty jáne teńgege nominirlengen qarjy quraldary 6 819,7 mlrd teńgeni nemese 68,2%-dy, shetel valiýtasyna nominirlengen qarjy quraldary 3 175,8 mlrd teńgeni nemese 31,8%-dy qurady. BJZQ-nyń teńgemen nominirlengen zeinetaqy aktivteri Qazaqstan Respýblikasynyń Ulttyq qoryn basqarý jónindegi keńes jyl saiyn maquldaityn baǵyttar sheńberinde ǵana investitsiialanady. 2019 jylǵy maýsymda teńgemen nominirlengen zeinetaqy aktivterin investitsiialaý kólemi 239,4 mlrd teńgeni qurady", - delingen taratylǵan aqparatta.
2019 jylǵy maýsymda AO «DTJ» AQ obligatsiialarynyń bir bóligi 1,1 mlrd teńge somaǵa satyldy. Qaralyp otyrǵan kezeńde banktik salym sharttarynda belgilengen talaptarǵa sáikes QR EDB depozitteri boiynsha negizgi borysh jalpy somasy 0,4 mlrd teńgege merziminen buryn ishinara ótelgen.
"BJZQ-nyń shetel valiýtasymen nominirlengen zeinetaqy aktivteri BJZQ-nyń Investitsiialyq deklaratsiiasynda belgilengen valiýtalyq aktivterdiń jalpy qurylymyna jáne investitsiialaý strategiiasyna sáikes investitsiialanady. 2019 jylǵy maýsymda shetel valiýtasymen nominirlengen zeinetaqy aktivterin investitsiialaý kólemi 135,6 mlrd teńge boldy. Atalǵan kólemge jyldyq 2,2% ortasha alynǵan kiristilikpen AQSh Úkimetiniń MBQ satyp alyndy. 2019 jylǵy maýsymda baǵaly qaǵazdardyń emissiiasy prospektilerinde belgilengen merzimderge sáikes 215,5 mlrd teńge jalpy somaǵa AQSh Úkimetiniń MBQ boiynsha negizgi boryshty óteý júrgizildi, sondai-aq «ForteBank» AQ halyqaralyq obligatsiialary boiynsha 0,06 mlrd. teńge somaǵa negizgi boryshty ishinara óteý júrgizildi", - delingen ttaratylǵan aqparatta.
2019 jyldyń basynan bastap eseptelgen investitsiialyq kiristiń mólsheri 285,2 mlrd teńgeni qurady. 2019 jyldyń basynan bastap zeinetaqy aktivteriniń salymshylardyń (alýshylardyń) shottaryna bólingen kiristiligi 2,69% boldy.
Bul rette 2019 jylǵy 1 shildedegi jaǵdai boiynsha BJZQ salymshylary (alýshylary) úshin sońǵy 12 aidaǵy (2018 jylǵy sáýir – 2019 jylǵy maýsym aralyǵy) zeinetaqy aktivteriniń kiristiligi 5,4% mólsherdegi infliatsiia kezinde 9,36%-dy qurady. Osylaisha, sońǵy 12 aida BJZQ zeinetaqy aktivteri boiynsha naqty kiristilik 3,96%-dy quraǵan.
