Biryńǵai jinaqtaýshy zeinetaqy qorynyń shtattyq quramy osy ýaqytqa deiin 25 paiyzǵa qysqarǵan. Sonyń arqasynda eńbekaqy tóleý shyǵyndary 2016 jylmen salystyrǵanda 13,2 paiyzǵa tómendedi, dep habarlaidy "Ult aqparat".
Qordyń baspasóz qyzmeti taratqan aqparatqa sáikes, qazir qordyń qarjylyq eseptiligin táýelsiz aýditorlyq kompaniia tarapynan rastaý jumystary júrgizilip jatyr.
«2019 jyly qyzmetkerler sany 1981 adamnan 1740 adamǵa (12,2 paiyzǵa) deiin qysqartyldy. Al úsh jyl ishinde, iaǵni 2017 jyldan 2019 jylǵa deiingi aralyqta 25 paiyzǵa nemese 567 adamǵa azaityldy. Sonyń nátijesinde eńbekaqy tóleý shyǵyndary 2016 jylmen salystyrǵanda 13,2 paiyzǵa tómendedi», - dedi baspasóz qyzmetinen.
Aita ketelik, BJZQ shtattyq quram men eńbekaqy tóleý qoryn eleýli túrde qysqartýǵa biznes-úderisterdi ońtailandyrý, avtomattandyrý jáne elektrondyq qyzmetterge ótý (qyzmetterdiń 80 paiyzdan astamy elektrondyq úlgide kórsetiledi), operatsiialyq bólimshelerdi qysqartý jáne qyzmetkerlerdiń tiimdiligin arttyrý arqasynda qol jetkizdi. Bul úrdis tsifrlyq qyzmetterdiń odan ári damýyn eskere otyryp, ári qarai jalǵasatyn bolady.
