Elimizdiń Biryńǵai jinaqtaýshy zeinetaqy qory «Qazatomónerkásip» aktsioneri bolýynyń arqasynda 21 mlrd teńge tabys tapty. Bul týraly búgin XII Kazenergy Eýraziialyq forýmynda «Samuryq-Qazyna» UÁQ« AQ basqarmasynyń tóraǵasy Ametjan Esimov aitty, dep habarlaidy "Ult aqparat".
«Biz innovatsiialyq sheshimderdi belsendi engizip, qosymsha qun qalyptastyryp, óndiristik tiimdilikti arttyryp jatyrmyz. Qor Úkimet bekitken jekeshelendirýdiń aýqymdy baǵdarlamasyn júzege asyrýda. Onyń maqsaty - Ulttyq qordy molyqtyrý, korporativtik basqarýdyń aldyńǵy qatarly tájiribesin engizý, álemtik standarttardy, ashyqtyq pen eseptilikti qamtamasyz etý. Sońǵy jyldary yellow pages printsipine sáikes básekelestik ortaǵa 89 kásiporyn shyǵarylyp, 192 mlrd teńge túsim alyndy. IRO-ǵa energetika jáne telekommýnikatsiia, infraqurylym salalaryndaǵy ulttyq operator sanalatyn qordyń 8 kompaniiasyn shyǵarý josparlanǵan», - dedi Ahmetjan Esimov.
Osy oraida qor basshysy ótken jyly Qazatomónerkásip kompaniiasynyń aktsiialary IRO-ǵa tabysty shyǵarylǵanyn, álemdik deńgeidegi institýttyq investorlar, elimizdiń zeinetaqy qory aktsioner atanǵanyn eske saldy.
«Ótken jyldyń qarashasynda ornalastyrylǵannan bergi ýaqytta kompaniianyń naryqtyq quny 3 mlrd dollardan 4 mlrd dollarǵa deiin ósip, zeinetaqy qorynyń tabysy 21 mlrd teńgeni qurady. Bul qor tarihyndaǵy eń tabysty aqsha salymy bolyp esepteledi. Sonymen qatar Ulttyq qorǵa 168 mlrd teńge tústi», - dedi ol.
