QR Ulttyq banki Biryńǵai jinaqtaýshy zeinetaqy qory (BJZQ) jáne basqa da qorlardyń aktivterin basqarýshy retinde «Qazaqstan temir joly» obligatsiialaryn satyp alǵan joq. Bul týraly BJZQ-dan málim etti, dep habarlaidy "Ult aqparat".
«Qazaqstanyń Ulttyq banki BJZQ jáne ózge de qorlardyń aktivterin senimdi basqarýshy retinde 20 tamyz kúni Qazaqstan qor birjasynda ótken «Qazaqstan temir joly» Ulttyq kompaniiasy» AQ-nyń (KZ2C00005866) 40,0 mlrd teńge somasyna obligatsiialaryn 15 jyl merzimge ornalastyrý boiynsha saýda-sattyqqa qatysqan joq», - dep habarlady BJZQ baspasóz qyzmetinen.
20 tamyz kúni Qazaqstan qor birjasynyń (KASE) saitynda jyldyq kiristiligi 2 paiyzben «Qazaqstan temir joly» Ulttyq kompaniiasynyń 40 mlrd teńge somasyndaǵy obligatsiialaryn 15 jyl merzimge ornalastyrý boiynsha mamandandyrylǵan saýda-sattyq ótkizilgeni habarlanǵan edi.
Jekelegen internet-paidalanýshylar atalmysh obligatsiialardy BJZQ satyp alýy múmkindigi týraly boljam jasady.
