Foto: QMA
«Biryńǵai jinaqtaýshy zeinetaqy qorynan» 46 milliard teńge jymqyrý isine qatysy bar kúdiktilerdiń biri qolǵa tústi. Bul týraly Senattaǵy brifingte Qarjylyq monitoring agenttigi tóraǵasynyń orynbasary Jeńis Elemesov málimdedi, dep habarlaidy Ult.kz.
🔹 Tergeý málimetinshe, qarjy jalǵan stomatologiialyq klinikalar arqyly syrtqa shyǵarylǵan.
🔹 Úsh kúdiktiniń bireýi memlekettik shekaradan ótpek bolǵan kezde ustaldy.
🔹 Qalǵan ekeýi shetelge qashyp ketken, olardy izdeý jumystaryna quqyq qorǵaý organdary, Interpol jáne kórshiles elderdiń qarjy barlaý bólimderi jumyldyrylǵan.
Eske salaiyq, qyrkúiek aiynda bul top BJZQ-dan milliardtaǵan qarjyny jalǵan meditsinalyq qujattar jasap, stomatologiialyq qyzmet kórsetkendei etip rásimdegeni anyqtalǵan.
Aqtaý men Atyraýda jeti «jalǵan» klinika tirkelgen, biraq olardyń eshqaisysy naqty qyzmet kórsetpegen.
Buǵan deiin de Atyraýda tis emdeýge dep 200 mlrd teńgeni jymqyrǵan taǵy bir top ustalǵan bolatyn.
