© Sputnik / Abzal Kaliev
Ulttyq bank qazaqstandyqtardyń zeinetaqy aktivterin "Báiterek" ulttyq basqarýshy holdinginiń obligatsiialaryna investitsiialamaq, - dep habarlaidy "Ult aqparat".
"Ulttyq bank Qazaqstan Respýblikasynyń Ulttyq qoryn basqarý keńesi bekitken BJZQ zeinetaqy aktivterin investitsiialaýdyń negizgi baǵyttaryna sáikes, 2023 jyl ishinde BJZQ zeinetaqy aktivterin 500 milliard teńge jalpy somada "Báiterek" UBH" obligatsiialaryna naryq talaptarymen investitsiialaý josparlanyp otyrǵanyn habarlaidy", - delingen UB saitynda.
«Báiterek» UBH» AQ tartqan qarajatty mashina jasaý, metallýrgiia, tamaq jáne jeńil ónerkásip, qurylys indýstriiasy, infraqurylym jáne basqa da salalardaǵy iri jobalardy kreditteýge baǵyttaýdy josparlap otyr. Qarjylandyrý úshin jobalardy irikteý jáne bólingen qarajattyń igerilýi Qazaqstan Respýblikasynyń Úkimeti deńgeiinde baqylanady.
"Báiterek" UBH" AQ – Qazaqstan ekonomikasyn ornyqty damytý jónindegi mindetterdi iske asyrýdy qamtamasyz etetin institýt. Holdingtiń qyzmetin Qazaqstan Respýblikasynyń Úkimeti tikelei baqylaidy.
Holding baǵaly qaǵazdar naryǵynda senimdi qaryz alýshy bolyp tabylady, onyń ornyqty qarjylyq kórsetkishteri men halyqaralyq reitingtik agenttikterdiń joǵary kredittik baǵalary bar. Máselen, "Báiterek" UBH" AQ-nyń Fitch Ratings agenttiginiń halyqaralyq shkalasy boiynsha uzaq merzimdi kredittik reitingi Qazaqstannyń táýelsiz kredittik reitingi deńgeiinde tur jáne turaqty boljammen "VVV" quraidy", - delingen habarlamada.
BJZQ zeinetaqy aktivteri "Báiterek" UBH" AQ-ǵa naryqtyq kiristilik boiynsha qaitarymdy negizde beriletini aityldy. Joǵaryda atalǵan investitsiialar BJZQ salymshylaryna jyl saiyn investitsiialyq tabys ákeledi, sondai-aq Qazaqstan ekonomikasynyń naqty sektoryn odan ári damytý men jańǵyrtýǵa eleýli qoldaý kórsetedi.
