Biýlleten boiynsha 82 552 adam daýys berdi – Álibek Áldenei

Bul týraly Facebook-tegi paraqshasynda «Nur Otan» partiiasynyń hatshysy Álibek Áldenei habarlady.

"Keshe, 3 qazanda 08:00-den 14:00-ge deiin internetke qosylý múmkindigi joq 643 eldi mekende qaǵaz biýlletender boiynsha daýys berý ótti. Bul eldi mekender respýblikalyq deńgeidegi qalalardy qospaǵanda elimizdiń barlyq óńirlerindegi shalǵai aýdandarda ornalasqan. Bul «Nur Otan» partiiasynyń barlyq músheleriniń sailaý quqyǵyn iske asyrý úshin jasalǵan.

Jalpy, biýlleten boiynsha 82 552 adam daýys berdi.

Ol úshin arnaiy sailaý ýchaskeleri ashyldy. Ýchaskelerde kandidattardyń senimdi ókilderi – baqylaýshylar jumys istedi. Aimaqtyń Uiymdastyrý komitetteriniń málimeti boiynsha daýys berý Praimeriz ótkizý erejelerin buzbai jáne barlyq sanitarlyq normalardy qatań saqtai otyryp ótti", - dep jazdy Álibek Áldenei. 

Hatshynyń deregine súiensek, tiisti ýchaskelik esep komissiialarynyń ókilderi esepteý júrgizgen. 3 qazan kúngi saǵat 20.00-de barlyq biýlletender men daýys berý nátijeleri partiianyń aýdandyq filialdaryna jetkizilgen.

"Aimaqtyq esep komissiialary tarapynan biýlletenderdiń hattama málimetterine sáikestigin tekserildi. Barlyq materialdar Ortalyq apparatqa verifikatsiia jasaý úshin jiberildi. Ár biýlletende arnaiy qorǵanys markeri bar.

Qazir biýlletender boiynsha daýys berý nátijelerin «Praimeriz» aqparattyq júiesine engizý jumystary aiaqtalýda. 

Derekterdi jańartý jaqyn arada bir mezette júzege asyrylady.

Esterińizge sala keteiin, https://vote.primaries.kz veb-saity jáne mobildi qosymsha arqyly onlain daýys berý merzimi týra bir táýlikke, iaǵni 4 qazan kúngi saǵat 14:00-ge deiin uzartylǵan", - deidi ol.