2022 jylǵa arnalǵan biýdjetti naqtylaý boiynsha zań jobasyn ázirleý kezinde 1 trln teńgeden astam shyǵyndarǵa qoldaý jasalmady. Bul týraly QR Premer-Ministriniń orynbasary - Qarjy ministri Erulan Jamaýbaev aitty, dep habarlaidy QazAqparat.
Búgin Májilistiń jalpy otyrysynda depýtat Iýrii Li zań jobasy boiynsha materialdy qaraý kezinde keibir ákimshiler biýdjettik baǵdarlamalardy Memleket basshysynyń tapsyrmasymen jáne baǵdarlamalyq qujattarmen bailanysty emes sebeptermen naqtylap jatqanyn aitty.
«Olardyń biýdjetteri naqtylanyp jatqan barlyq somany jinaqtasaq, onda qomaqty qarajat shyǵyp tur. Máselen, Indýstriia ministrligi 800 mln teńgeni INNOPROM halyqaralyq kórmesine qatysý úshin jáne aqparattyq-saraptaǵa ári konsýltatsiialyq qyzmetterge qarastyryp otyr. Ulttyq ekonomika ministrligi 394 mln teńgeni qarastyryp, ony áleýmettik, taldamalyq jáne konsaltingtik qyzmetterge jumsamaq. Osyndai mysaldar kóp kezdesedi», - dedi depýtat.
Osy oraida ol ónimsiz biýdjet shyǵyndaryn qysqartý úshin qandai qadamdar jasalatynyn surady.
Óz kezeginde Qarjy ministri Jamaýbaev biýdjetti qalyptastyrý kezinde ónimsiz shyǵyndarǵa tosqaýyl qoiylatynyn aitty.
«Eger biýdjetti qalyptastyrý men naqtylaý kezinde biýdjettik baǵdarlamalar ákimshileri 4 trln teńgege jýyq qarajatty qamtydy. Alaida zań jobasyn daiarlaý men respýblikalyq biýdjettik komissiiada talqylaý kezinde 1 trln teńgeden astamyna qoldaý jasalmady. Osy arqyly naqtylaý kezinde 2,7 trln teńge qosymsha shyǵystar qalyp otyr», - dedi ministr.
Bul rette ol júieli is-sharalarǵa toqtalyp, osy baǵytta tolyqtai tsifrlandyrý eskerilgenin atap ótti.
«Osyǵan bailanysty arnai baǵdarlama – memlekettik josparlaýdyń aqparattyq júiesi qyzmet etip jatyr. Iaǵni eki jyldan beri jumysyn jalǵastyrýda. Qazir biz ony jetildirip, basqa da memlekettik organdarmen integratsiialap jatyrmyz. Osy oraida biýdjetti qalyptastyrýdyń ashyqtyǵyn arttyrýǵa, tiimsiz shyǵyndarǵa jol bermeýge múmkindik beredi. Sonymen qatar Esep komitetimen tiimsiz shyǵyndardy anyqtaý boiynsha arnaiy ádistemeni daiarladyq. Ol qazir Prezident Ákimshiliginde kelisýden ótip jatyr», - dedi Jamaýbaev.
