Nominaldy jalpy ishki ónim 91,5 trln teńge kóleminde baǵalanýda, bul maquldanǵan boljamnan 4,5 trln teńgege joǵary. Bul týraly Májilistiń jalpy otyrysynda respýblikalyq biýdjetti talqylaý kezinde Ulttyq ekonomika ministriniń mindetin atqarýshy Timýr Jaqsylyqov málim etti, dep habarlaidy QazAqparat.
«2022 jylǵa arnalǵan makroekonomikalyq kórsetkishter men biýdjettik parametrler boljamyn naqtylaý engizilip otyr. Makrokórsetkishterdiń boljamy syrtqy ekonomikalyq jaǵdaidy, álemdik ekonomikanyń damýyn baǵalaý, sonymen qatar munai naryǵyndaǵy úrdisterdi eskere otyryp naqtylandy. Máselen, jyl basynan beri el ekonomikasynyń ósýiniń oń serpini baiqalǵan. Jalpy ishki ónimniń ósý qarqyny qańtar-aqpan ailarda 3,5%-dy qurady. Jyl basynan beri munaidyń ortasha baǵasy barreline 98 AQSh dollardy qurady. Bul rette Dúniejúzilik qarjy uiymdarynyń 2022 jyly munai baǵasy boiynsha boljamy 74 AQSh dollardan 105 AQSh dollaryna deiin qalyptasýda. Osyǵan bailanysty, makrokórsetkishterdi naqtylaý kezinde munaidyń ortasha jyldyq baǵasy barreline 90 AQSh dollar deńgeiinde aiqyndaldy», - dedi Jaqsylyqov.
Onyń aitýynsha, S&P Global Ratings agenttigi 2022 jyly álemdik ekonomikanyń ósý boljamyn 4,2%-dan 3,6%-ǵa deiin tómendetti.
«Joǵaryda aitylǵandardy eskere otyryp, el ekonomikasynyń ósý boljamy 3,9%-dan 2,1%-ǵa deiin tómendedi. Bul rette nominaldy jalpy ishki ónim 91,5 trln teńge kóleminde baǵalanýda, bul maquldanǵan boljamnan 4,5 trln teńgege joǵary. Óńdeýshi ónerkásiptegi boljamdy kórsetkishter álemde protektsionizmniń kúsheiýine jáne tarifterdiń ósýine bailanysty metallýrgiiadaǵy óndiriske shekteý qoiý saldarynan 3,5%-dan 2,9%-ǵa deiin tómendetildi», - dedi ol.
