Foto: kursiv.media
Biýdjet tapshylyǵyn 98,4%-ǵa jabý qaryz alý esebinen júzege asyryldy, dep habarlaidy Ult.kz.
Búgin Parlament Májilisinde Úkimet jáne Joǵary aýditorlyq palatanyń 2024 jylǵy respýblikalyq biýdjettiń atqarylýy týraly esepteri boiynsha qorytyndy jariialandy. Onda «Respýblikalyq biýdjet tapshylyǵyn qarjylandyrý (profitsitti paidalaný)» týraly aityldy.
Aqparatqa sáikes 2024 jyldyń qorytyndysy boiynsha respýblikalyq biýdjet tapshylyǵy 3,7 trln teńge kóleminde josparlanyp, 3,6 trln teńge somasynda nemese JIÓ-ge qatysty 2,7% bolyp qalyptasty. Biýdjet tapshylyǵyn 98,4%-ǵa jabý qaryz alý esebinen júzege asyryldy. 2025 qarjy jylynyń basyndaǵy biýdjet qarajatynyń qaldyqtary 1,1 mlrd teńgeni qurady.
Shyǵystar boiynsha respýblikalyq biýdjettiń atqarylýy
Túzetilgen biýdjette shyǵystar (qaryzdardy eseptemegende) 24,1 trln teńge somasynda kózdelgen bolatyn, atqarylý 23,6 trln teńgeni nemese bir jylǵa arnalǵan jospardyń 97,8%-yn qurady.
Atqarylmaý 526,0 mlrd teńgeni qurady, onyń ishinde Qazaqstan Respýblikasy Úkimeti rezerviniń bólinbegen somasy 9,5 mlrd teńgeni, biýdjet qarajatyn únemdeý somasy – 2,7 mlrd teńgeni, respýblikalyq biýdjettik baǵdarlamalar boiynsha igerilmeý somasy 92,0 mlrd teńgeni qurady.
