فوتو: kursiv.media
بيۋدجەت تاپشىلىعىن 98,4%-عا جابۋ قارىز الۋ ەسەبٸنەن جٷزەگە اسىرىلدى, دەپ حابارلايدى Ult.kz.
بٷگٸن پارلامەنت مەجٸلٸسٸندە ٷكٸمەت جەنە جوعارى اۋديتورلىق پالاتانىڭ 2024 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸ بويىنشا قورىتىندى جارييالاندى. وندا «رەسپۋبليكالىق بيۋدجەت تاپشىلىعىن قارجىلاندىرۋ (پروفيتسيتتٸ پايدالانۋ)» تۋرالى ايتىلدى.
اقپاراتقا سەيكەس 2024 جىلدىڭ قورىتىندىسى بويىنشا رەسپۋبليكالىق بيۋدجەت تاپشىلىعى 3,7 ترلن تەڭگە كٶلەمٸندە جوسپارلانىپ, 3,6 ترلن تەڭگە سوماسىندا نەمەسە جٸٶ-گە قاتىستى 2,7% بولىپ قالىپتاستى. بيۋدجەت تاپشىلىعىن 98,4%-عا جابۋ قارىز الۋ ەسەبٸنەن جٷزەگە اسىرىلدى. 2025 قارجى جىلىنىڭ باسىنداعى بيۋدجەت قاراجاتىنىڭ قالدىقتارى 1,1 ملرد تەڭگەنٸ قۇرادى.
شىعىستار بويىنشا رەسپۋبليكالىق بيۋدجەتتٸڭ اتقارىلۋى
تٷزەتٸلگەن بيۋدجەتتە شىعىستار (قارىزداردى ەسەپتەمەگەندە) 24,1 ترلن تەڭگە سوماسىندا كٶزدەلگەن بولاتىن, اتقارىلۋ 23,6 ترلن تەڭگەنٸ نەمەسە بٸر جىلعا ارنالعان جوسپاردىڭ 97,8%-ىن قۇرادى.
اتقارىلماۋ 526,0 ملرد تەڭگەنٸ قۇرادى, ونىڭ ٸشٸندە قازاقستان رەسپۋبليكاسى ٷكٸمەتٸ رەزەرۆٸنٸڭ بٶلٸنبەگەن سوماسى 9,5 ملرد تەڭگەنٸ, بيۋدجەت قاراجاتىن ٷنەمدەۋ سوماسى – 2,7 ملرد تەڭگەنٸ, رەسپۋبليكالىق بيۋدجەتتٸك باعدارلامالار بويىنشا يگەرٸلمەۋ سوماسى 92,0 ملرد تەڭگەنٸ قۇرادى.
