«Jastar» ǵylymi-zertteý ortalyǵynyń direktory Talǵat Qaliev biýdjet salasynyń qyzmetkerlerine «Nurly jer» memlekettik baǵdarlamasy boiynsha páter beriletini týraly aqparatty joqqa shyǵardy, dep habarlaidy QazAqparat tilshisi.
«Biýdjet salasynyń qyzmetkerleri arasynda «Nurly jer» baǵdarlamasy boiynsha páterdiń beriletini týraly aqparat tarap júr. Bastamashylar qoljetimdi baǵa boiynsha páter alyp berýge ýáde berip, «kezekke turǵandardyń» tizimin júrgizýde. Áleýetti úmitkerlerdiń senimine ie bolý úshin Nurzher.kz logotipimen kúdikti hattardy usynady. Onyń taqyrybynda jaqynda jariialanǵan áleýmettik bastamalarǵa jasalǵan siltememen QR Prezident Ákimshiliginiń ataýy qalyń shriftpen jazylady», - dedi Talǵat Qaliev Telegram-arnasynda.
Álbette, mundai jaǵdaida úige úmittiler qyzyǵýshylyqtaryn tanytyp, usynylǵan kezekke turady. Azamattar resmi memlekettik baǵdarlama aiasynda istiń júzege asyrylyp jatqanyna senip júr. Alaida hattyń mazmuny men qalpyn taldaý barysynda birqatar naqty sáikessizdikter anyqtalǵan.
«Nurly jer» baǵdarlamasy (kompaniia ataǵandai Nurjer emes) Bes áleýmettik bastamadan jáne «Turǵyn úi qurylys jinaq bankiniń» baǵdarlamasynan tys júzege asyrylyp jatyr. Jáne kúmándi hatta Prezident Ákimshiliginiń atalýy bekitilgen nusqadaǵy óziniń jeke blankisi bar bul organnyń jekemenshik kompaniiamen bailanysyn bildirmeidi. Oǵan qosa, Prezident Ákimshiligi tek strategiialyq baqylaý júrgizedi. Al memlekettik baǵdarlamanyń tolyqqandy júzege asyrylýyna ortalyq jáne jergilikti atqarýshy organdar jaýapty. Demek, oǵan jaýapty Úkimet te, ákimdik te emes», - deidi sarapshy.
Talǵat Qalievtiń esepteýinshe, osyny esepke alǵanda atalǵan hat ta, kompaniia jumysynyń quqyqtylyǵy da birshama kúdik týdyryp otyr. Sebebi básekege qabiletti baǵalarmen shynaiy ónimdi usyna otyryp, qurylys salýshyǵa óziniń jobalaryn memlekettik baǵdarlamalarmen búrkep, bilik organyna kúmándi siltemeler jasaýdyń qajettigi joq.
