Sýret: ashyq derekkóz
BQO býhgalter biýdjet qarajatyn jymqyrǵany úshin sottaldy, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
Qaratóbe aýdandyq soty memlekettik mekemeniń qarajatyn jymqyrǵan esepshige úkim shyǵardy.
Sottyń úkimine sáikes ol 3 jyl 6 ai merzimge bas bostandyǵynan jáne sol merzimge býhgalterlik qyzmetpen ainalysý quqyǵynan aiyryldy.
Batys Qazaqstan oblysynyń Qaratóbe aýdandyq prokýratýrasymen esepshiniń mekeme basshysynyń elektrondyq tsifrlyq qoltańbasyn zańsyz qoldanyp, 7 mln teńgege jýyq qarajatty jymqyrǵany anyqtaldy.
Osy derek boiynsha aýdan prokýratýrasy Qylmystyq kodekstiń 189-babynyń 3-bóligi 1-tarmaǵymen (ózine senip tapsyrylǵan múlikti iri mólsherde jymqyrý jáne talan-tarajǵa salý) sotqa deiingi tergep-tekserýdi bastaǵan. Kelgen shyǵynnyń 1 mln astamyn ǵana qaitarǵan sottalýshy sot protsesinde jymqyrǵan qarajatty qumar oiyndarǵa jaratqanyn aitty. Úkim zańdy kúshine engen joq, - delingen habarlamada.
