Ótken jyly respýblikalyq biýdjetten bólingen qarajatty 5 ministrlik tolyq igere almady. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«Memlekettik biýdjettiń shyǵystary 98,1, respýblikalyq biýdjettiń shyǵystary – 98,3, jergilikti biýdjetterdiń shyǵystary 99,1 paiyzǵa atqaryldy. Respýblikalyq biýdjet boiynsha 14 trln 234 mlrd teńgege somasyna shyǵystar júrgizildi. Oryndalmaý 241 mlrd teńgeni qurady. Onyń ishinde 224 mlrd teńge - bul Úkimet rezervi boiynsha únemdelgen aqsha jáne basqa shyǵystar boiynsha únem. Igerilmeý somasy - 15 mlrd teńge», - dedi ministr.
Onyń atýynsha, igerilmegen qarajattyń neǵurlym iri somalary Ishki ister ministrligi, Bilim jáne ǵylym ministrligi, Tótenshe jaǵdailar ministrligi, Ádilet ministrligi jáne Tsifrlyq damý, innovatsiialar jáne aeroǵarysh ónerkásibi ministrliginde qalyptasty.
«Igerilmeýdiń negizgi sebepteri: ónim berýshilerdiń shart talaptaryn buzýy; tólem jónindegi qujattardyń uzaq kelisýi; oryndalǵan jumystar aktilerin usynbaý; naqty kórsetilgen qyzmetter kólemi, oryndalǵan jumystar, sot talqylaýlary úshin aqy tóleý», - dedi ol.
Sonymen qatar Erulan Jamaýbaev Memleket basshysynyń memlekettik qoldaý sharalarynyń tiimdiligine baǵalaý júrgizý jónindegi tapsyrmasyna sáikes ministrlik tiisti Ádisteme men aqparattyq júieni ázirlegenin atap ótti.
«Qazirgi tańda 2015-2019 jyldar aralyǵynda kórsetilgen memlekettik qoldaýdyń 67 sharasy boiynsha aldyn ala derekter bar. Biyl tiimdilikti baǵalaýmen qarjylyq qoldaýdyń barlyq sharalary qamtylady. Onyń nátijeleri odan ári biýdjettiń sapasyn joǵarylatý úshin paidalanylady», - dedi ol.
