BUU Túrkiiany shet tilinde Türkiye dep jazý týraly Ankara ótinishin maquldady. Bul jóninde BUU bas hatshysynyń baspasóz ókili Stefan Diýjarrikke súiengen Anadolu agenttigi habarlady, dep jazady Azattyq.
Diýjarriktiń sózine qaraǵanda, BUU bas hatshysy Antoniý Gýterrish Túrkiia syrtqy ister ministrinen memleket ataýynyń ózgergeni týraly habarlama alǵan. El ataýy atalǵan hat túsken sátten bastap ózgeredi.
Bir kún buryn Túrkiia syrtqy ister ministri Mevliýt Chavýshoǵly Ankara BUU-ǵa el ataýyn shet tilinde basqasha jazý jaily resmi ótinish túsirgenin habarlaǵan. Onyń aitýynsha, "el bedelin halyqaralyq arenada arttyrýdy kózdeitin sharalar" aiasynda osyndai sheshim qabyldanǵan.
2021 jyly jeltoqsanda Túrkiia basshysy Rejep Erdoǵan halyqaralyq Turkey brendin Türkiye dep aýystyrý týraly jarlyqqa qol qoiǵan. Qujatqa sáikes, mundai sheshim Túrkiianyń bai mádenieti men murasyn tanystyrý sharalarymen bailanysty jáne túrik halqynyń mádenieti men qundylyqtaryn Türkiye sózi jaqsyraq beineleidi.
Anadolu agenttigine súiengen RBK saity Ankara el ataýyn jaǵymsyz estilgendikten ózgertip otyr dep jazdy. Sebebi, turkey sózi aǵylshyn tilinen aýdarǵanda kúrketaýyq degendi bildiredi.
