QR Ekologiia, geologiia jáne tabiǵi resýrstar ministrligi Birikken Ulttar Uiymynyń damý baǵdarlamasymen birlesip Ile-Balqash ekojúielerin qalpyna keltirýge arnalǵan jobany iske qosty, dep habarlaidy QazAqparat.
Bul týraly BUU-nyń damý baǵdarlamasynyń kommýnikatsiialar jónindegi keńsesi aqparat taratty.
On jylǵa (2021-2030 j.j.) mejelengen baǵdarlama turan jolbarysynyń tarihi mekenindegi ekologiialyq jaǵdaidy jaqsartý arqyly sirek janýarlarǵa tabiǵi orta qalypstyrýdy kózdeidi.
«Bul bastama BUU DB men Qazaqstan úkimeti arasyndaǵy kópjyldyq yntymaqtystyq aiasynda júzege asyrylady. Joba sheńberinde, Ile ózeni atyrabynyń jaiylma ormandaryn qalpyna keltirý jáne «Ile-Balqash» memlekettik tabiǵi rezervatynyń aýmaǵynda turan jolbarysynyń reintrodýktsiiasyna qajet jemshóp qoryn turaqty qalyptastyrý josparlanyp otyr. Óńirdiń biregei tabiǵaty men bioalýandyǵyn saqtaý mańyzdyo Osy jóninde halyqty keńinen qulaqtandyrýǵa jáne jergilikti turǵyndardyń bastamalaryn qoldaýǵa erekshe nazar aýdarylady», - dep jazylǵan resmi málimette.
BUU Damý baǵdarlamasynyń Qazaqstandaǵy turaqty ókili Iakýp Berishtiń aitýyna qaraǵanda, biregei ekojúieler men bioalýandyqty, flora men faýnany qalpyna keltirý óńirdiń áleýmettik-ekonomikalyq turaqtylyǵyn qamtamasyz etýge septigin tigizedi.
«Qazaqstan. bioalýandyqtyń saqtalýyna kóp kóńil bóledi. Sonyń aiasynda túrli maqsatty baǵdarlamalar qolǵa alynǵan. Biz tańdaǵan «jasyl ekonomikaǵa» ótý kontseptsiiasy tiimdi basqarý men turaqty damý qaǵidalaryna sai keledi», - deidi QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń tóraǵasy Nurlan Qylyshbaev.
