Foto: news.un.org
Birikken Ulttar Uiymynyń baspasóz hatshysy Stefan Diýjarrik Niý-Iorktegi shtab-páterinde ótken baspasóz máslihatynda qazir Siriiada 16 millionnan astam adamnyń gýmanitarlyq kómekke muqtaj ekenin aitty. Bul týraly BUU baspasóz qyzmeti málim etti.
Sonymen qatar, uiymnyń baspasóz hatshysy azyq-túlik jáne sanitarlyq-gigienalyq zattardyń tez arada qajet ekenin atap ótti.
Sondai-aq, Stefan Diýjarriktiń aitýynsha, keibir azamattyq múlikter men zaýyttar, gýmanitarlyq zattardy saqtaityn qoimalar talan-tarajǵa túsken. Ol qiyndyqtar men turaqsyz jaǵdaiǵa qaramastan, Birikken Ulttar Uiymy men onyń seriktesteri shuǵyl kómek kórsetýdi jalǵastyratynyn atap ótti.
Qazirgi ýaqytta Siriianyń soltústik-batysyndaǵy, Idlib pen Alepponyń soltústik oblystaryndaǵy barlyq gýmanitarlyq uiymdar jumysyn qaita jandandyrdy. Birikken Ulttar Uiymy Túrkiiadan Siriiaǵa kómek jetkizý úshin paidalanǵan úsh shekara beketi áli ashyq. BUU Siriianyń soltústik-shyǵysynda jaqynda Aleppodan qashyp kelgen adamdarǵa kómek kórsetip jatyr.
Soltústik-batysta jumysyn toqtatqan barlyq 24 densaýlyq saqtaý mekemesi jumysyn qaita bastady.
Birikken Ulttar Uiymy barlyq tarapty milliondaǵan siriialyq bosqyndardyń otandaryna aman-esen oralýy úshin tiimdi qoldaý kórsetýge shaqyrady.
Eske salsaq, Máýlen Áshimbaev BUU Bas hatshysy Antoniý Gýterrishpen kezdeskeni habarlandy.
.jpg)