COVID-19 pandemiiasy áielderge qatysty turmystyq zorlyq-zombylyq jaǵdailarynyń artýyna ákeldi. Júrgizilgen saýalnama kezinde árbir ekinshi áiel ózi nemese tanysynyń otbasy múshesi tarapynan qatygezdikke ushyraǵanyn aitty. Bul týraly BUU-nyń Áielderge qarsy zorlyq-zombylyqty joiý boiynsha kúres kúni qarsańynda usynǵan jańa baiandamasynda jazylǵan, dep habarlaidy QazAqparat BUU-nyń Jańalyqtar saityna silteme jasap.
Baiandamany «BUU-áielder» qurylymy daiyndaǵan. Ol 13 elde ótkizilgen saýalnamaǵa negizdelgen.
Saýalnama karantin kezinde úide qamalǵan áielderdiń taǵy bir pandemiianyń – zorlyq-zombylyq indetiniń qurbandary bolǵanyn kórsetip otyr.
«Osy qalyptasqan keri jaǵdaidy joiý úshin birigip kúsh jumyldyrýymyz kerek», - dedi «BUU-áielder» qurylymynyń atqarýshy direktory Sima Bahýs.
Sonymen qatar zorlyq-zombylyq qurbandary psihikalyq jáne emotsionaldy kúizelisten 1,3 ese jii zardap shekkeni belgili boldy.
Árbir tórtinshi áiel pandemiia kezinde ózin ózin qorǵansyz sezingen. Onyń basty sebebi – otbasy músheleri nemese serikteriniń tarapynan kórsetilgen jynystyq jáne fizikalyq zorlyq-zombylyq.
Saýalnamaǵa jaýap bergen áielderdiń 40%-y pandemiia bastalǵannan bastap jalǵyz qydyrýǵa qorqatynyn málimdegen. Bes áieldiń úsheýi qoǵamdyq jerlerde jynystyq qysym kórsetý jaǵdailarynyń jiilegenin aitty.
BUU-nyń Bas hatshysy áielderge qatysty zorlyq-zombylyqty tómendetý baǵytynda tiisti sharalar jasaý qajettigin aitty.
