COVID-19 پاندەميياسى ەيەلدەرگە قاتىستى تۇرمىستىق زورلىق-زومبىلىق جاعدايلارىنىڭ ارتۋىنا ەكەلدٸ. جٷرگٸزٸلگەن ساۋالناما كەزٸندە ەربٸر ەكٸنشٸ ەيەل ٶزٸ نەمەسە تانىسىنىڭ وتباسى مٷشەسٸ تاراپىنان قاتىگەزدٸككە ۇشىراعانىن ايتتى. بۇل تۋرالى بۇۇ-نىڭ ەيەلدەرگە قارسى زورلىق-زومبىلىقتى جويۋ بويىنشا كٷرەس كٷنٸ قارساڭىندا ۇسىنعان جاڭا بايانداماسىندا جازىلعان, دەپ حابارلايدى قازاقپارات بۇۇ-نىڭ جاڭالىقتار سايتىنا سٸلتەمە جاساپ.
باياندامانى «بۇۇ-ەيەلدەر» قۇرىلىمى دايىنداعان. ول 13 ەلدە ٶتكٸزٸلگەن ساۋالناماعا نەگٸزدەلگەن.
ساۋالناما كارانتين كەزٸندە ٷيدە قامالعان ەيەلدەردٸڭ تاعى بٸر پاندەمييانىڭ – زورلىق-زومبىلىق ٸندەتٸنٸڭ قۇرباندارى بولعانىن كٶرسەتٸپ وتىر.
«وسى قالىپتاسقان كەرٸ جاعدايدى جويۋ ٷشٸن بٸرٸگٸپ كٷش جۇمىلدىرۋىمىز كەرەك», - دەدٸ «بۇۇ-ەيەلدەر» قۇرىلىمىنىڭ اتقارۋشى ديرەكتورى سيما باحۋس.
سونىمەن قاتار زورلىق-زومبىلىق قۇرباندارى پسيحيكالىق جەنە ەموتسيونالدى كٷيزەلٸستەن 1,3 ەسە جيٸ زارداپ شەككەنٸ بەلگٸلٸ بولدى.
ەربٸر تٶرتٸنشٸ ەيەل پاندەمييا كەزٸندە ٶزٸن ٶزٸن قورعانسىز سەزٸنگەن. ونىڭ باستى سەبەبٸ – وتباسى مٷشەلەرٸ نەمەسە سەرٸكتەرٸنٸڭ تاراپىنان كٶرسەتٸلگەن جىنىستىق جەنە فيزيكالىق زورلىق-زومبىلىق.
ساۋالناماعا جاۋاپ بەرگەن ەيەلدەردٸڭ 40%-ى پاندەمييا باستالعاننان باستاپ جالعىز قىدىرۋعا قورقاتىنىن مەلٸمدەگەن. بەس ەيەلدٸڭ ٷشەۋٸ قوعامدىق جەرلەردە جىنىستىق قىسىم كٶرسەتۋ جاعدايلارىنىڭ جيٸلەگەنٸن ايتتى.
بۇۇ-نىڭ باس حاتشىسى ەيەلدەرگە قاتىستى زورلىق-زومبىلىقتى تٶمەندەتۋ باعىتىندا تيٸستٸ شارالار جاساۋ قاجەتتٸگٸن ايتتى.
