10 maýsymda Qazaqstannyń Turaqty ókili Janar Aitjanova BUU Adam quqyqtary jónindegi Joǵarǵy komissarynyń jyl saiynǵy baiandamasyn talqylaýǵa qatysty. Bul týraly QR Syrtqy ister ministrliginen málim etti, dep habarlaidy "Ult aqparat".
Ol Joǵarǵy komissar Mishel Bacheletke jáne BUU-nyń 165 múshe memleketiniń delegatsiialaryna arnalǵan sóz sóileýinde 2021 jylǵy 9 maýsymda Qazaqstan Respýblikasynyń Prezidenti qol qoiǵan «Qazaqstan Respýblikasynyń adam quqyqtary salasyndaǵy odan ári sharalary týraly» Jarlyq jóninde habarlady.
«Diplomat Prezident Jarlyǵyna sáikes Úkimet jyl saiyn BUU sharttyq organdarymen jáne BUU-nyń Adam quqyqtary boiynsha keńesiniń arnaýly rásimderimen ózara is-qimyl tetikterin jetildirý, áielderge qatysty kemsitýdi joiý, pikir bildirý bostandyǵyna quqyq, úkimettik emes uiymdarmen ózara is-qimyl tiimdiligin arttyrý siiaqty jumys baǵyttaryn kózdeitin adam quqyqtary salasyndaǵy birinshi kezektegi sharalar josparyn iske asyrý týraly esep beretindigin jóninde málimdedi», - dedi SIM-nen.
Sonymen qatar, J. Aitjanova Joǵarǵy komissar M. Bachelettiń baiandamasynda kózdelgen adam quqyqtary salasyndaǵy Qazaqstannyń zańnamasyna engizilgen ózgeristerdi atap ótip, kezdesýge qatysýshylardy COVID-19 pandemiiasyna bailanysty qiyndyqtarǵa qaramastan, 2020 jyly Qazaqstanda adam quqyqtaryn kótermeleý jáne qorǵaý maqsatynda reformalar iske asyrylǵanyn habardar etti. Beibit jinalystar týraly tujyrymdamalyq jańa zańdy qabyldaý atalǵan belgili qadamdardyń biri bolyp tabylady, ol habarlama sipatyn, arnaiy aimaqtardy aiqyndaýdy jáne beibit jinalystardy ótkizýdi retteýdi ońailatýdy kózdeidi.
«Qazaqstannyń Turaqty ókili Qazaqstan adam quqyqtary salasyndaǵy birinshi kezektegi sharalar josparyn implementatsiialaýdy ustanatyn bolatyndyǵyn málimdedi», - dedi syrtqysaiasat vedomstvosynan.
