Naýryz aiynda ǵalamshardyń 300 million turǵyny Ulyq merekeni atap ótedi. Bul kúni ońtústik jartysharda kúz bolsa, soltústikte - kóktem. Naýryzdy Balqan, Qara teńiz, Kavkaz, Ortalyq Aziia jáne Taiaý Shyǵys elderi birneshe myńdaǵan jyldar boiy atap ótip keledi. Bul týraly BUU Jańalyqtar ortalyǵynyń habarlamasynda aitylǵan.
2009 jyly Naýryz merekesi Adamzattyń materialdyq emes mádeni murasynyń reprezentativti tizimine engizilse, 2010 jyly BUU-nyń Bas Assambleiasy ony "halyqaralyq kún" dep jariialady.
«Bul kúni bizdiń ólkede aýylsharýashylyq jumystary bastalady. Bul ókpe-renishti umytyp, keshirý jáne qurmetteý kúni. BUU Bas Assambleiasynyń rezoliýtsiiasyna sáikes, bul mereke halyqaralyq kún retinde atalyp ótiledi. Sondyqtan, Naýryzdy atap ótetin barlyq elder osy merekeni toilaý úshin búgin osy jerde bas qosyp otyr».
«BUU Bas Assambleiasynyń qararyna sáikes, bul kún halyqaralyq mereke retinde atalyp ótiledi. Naýryzdyń tarihy «Avesta» - zoroastrizm qasietti kitaby ýaqytynan bastaý alǵan. Islam oǵan birqatar ózgerister engizdi - mysaly, dastarhandardan sharaptar joiyldy. Ázerbaijanda Naýryz merekesi bir ai boiy toilanady - ár seisenbini tabiǵattyń dúlei kúshimen: aýamen, jermen nemese otpen bailanystyrady. Kún men jarty ai formasynda táttiler pisirilip, merekelik dastarhanǵa mindetti túrde ómirdiń belgisi retinde «dán» - óngen bidai qoiylady», - dedi BUU janyndaǵy Ázerbaijan turaqty ókili Iashar Aliev.
Tabiǵatpen úndesý jáne ony saqtaý, beibitshilik, álsizder men muqtajdarǵa qol ushyn sozý siiaqty BUU men Naýryzdyń mán-mańyzy negizinen sáikes keledi. 2010 jyly Bas Assambleia 21 naýryzdy Halyqaralyq Naýryz kúni dep bekitti. Sondyqtan, jyl saiyn osy kúni BUU shtab-páterinde ejelgi mereke atap ótiledi.
