BUU Adam quqyqtary jónindegi keńesi Resei kúshteriniń Ýkrainadaǵy "áskeri qylmysyn" tekseretin halyqaralyq komissiia qurady. Bul jóninde Reuters habarlady.
Resei áreketin aiyptaityn jáne komissiia qurýdy kózdeitin rezoliýtsiiany keńeske múshe elderdiń basym bóligi qoldady. Resei men Eritreia ǵana qarsy boldy.
Resei delegaty rezoliýtsiia jaqtastary "Ýkrainada bolyp jatqan jaǵdaiǵa Reseidi aiyptaý úshin barlyq amaldy paidalanyp otyr" dep málimdedi.
Ýkraina prezidenti Vladimir Zelenskii sheshimdi jyly qabyldady.
Komissiianyń qalai qurylatyny ázirge belgisiz.
Osyǵan deiin Gaaga soty Ýkrainada qaqtyǵys taraptary jasaýy múmkin áskeri qylmystarǵa bailanysty isti qarai bastaǵan.
Resei biligi áskeriler azamattyq nysandardy atqylaǵan joq jáne beibit turǵyndar ómirin saqtap qalýǵa tyrysyp jatyr deýmen keledi. Segiz kún ishinde azamattyq nysandar onyń ishinde turǵyn úiler men mektepterdiń qiraǵany jóninde kóptegen aiǵaq jariialandy. BUU esebinshe beibit turǵyndar arasynda opat bolǵandar júzden asady.
