Foto: CNN
BUU-nyń Palestina jónindegi Táýelsiz halyqaralyq komissiiasy Izraildiń Gaza sektoryndaǵy áreketterin genotsid dep tanydy. Bul týraly CNN habarlady.
Komissiianyń baiandamasynda Izrail biliginiń palestinalyqtardy top retinde ishinara joiýǵa baǵyttalǵan qadamdary atap ótilgen. Atap aitqanda, bala týýǵa kedergi keltiretin sharalardy engizý, sondai-aq ómir súrý jaǵdailaryn ádeii qiyndastyrý arqyly halyqty fizikalyq turǵyda joiý áreketteri kórsetilgen. Bul — Rim statýty men Genotsid qylmysynyń aldyn alý jáne jazalaý týraly konventsiiada sipattalǵan belgilerge sai keledi.
Málimetke sáikes, 2023 jylǵy 7 qazannan beri Izrail halyqaralyq quqyqta kórsetilgen genotsidtiń bes áreketiniń tórteýin jasaǵanyna negiz bar:
-
palestinalyqtardy óltirý,
-
aýyr dene jaraqattaryn salý,
-
tolyq nemese ishinara joiýǵa baǵyttalǵan ómir súrý jaǵdailaryn jasaý,
-
bala týýǵa kedergi keltirý.
Al Izraildiń Syrtqy ister ministrligi bul aiyptaýlardy "burmalanǵan ári jalǵan" dep joqqa shyǵaryp, komissiiany taratýǵa shaqyrdy. Ministrlik ókilderi komissiia múshelerin "HAMAS-tyń senimdi ókilderi" dep atap, olardyń "jalǵan aqparatqa súienip otyrǵanyn" málimdedi.
