Birikken Ulttar uiymynyń Qaýipsizdik keńesi Izrail jáne Palestina arasyndaǵy jaǵdaidyń shielenisýine bailanysty jeksenbi, 16 mamyr kúni ashyq otyrysyn ótkizedi, dep habarlaidy Reuters aqparat agenttigi.
Izraildik taraptyń dúisenbiden beri Gaza sektoryna jasaǵan soqqylarynyń saldarynan 109 adam (sonyń ishinde 28 bala men kem degende 11 áiel) qaza taýyp, 580 adam túrli jaraqattar aldy, dep jazdy Aljazeera.
Izrail armiiasynyń málimdemesine sáikes, áskeri is-qimyldar bastalǵaly Izraildiń jeti turǵyny qaza tapqan. Taǵy bes izraildik azamat Palestina tarapynan Tel-Aviv qalasyna jaqyn ornalasqan ǵimaratqa jibergen zymyran soqqysynan mert bolǵan.
Izraildiń beisenbi kúni Gaza sektorynyń janynda qosymsha sarbazdar men tankterdi toptastyrǵany jáne taǵy 9000 rezervtegi áskerdi jumyldyrýdy bekitkeni aitylady.
BUU Bas hatshysy Antoniý Gýterrish Gaza sektorynyń azamattyq aýdandarynyń Izraildiń eldi mekenderine tigizgen zymyran soqqylaryna syn aityp, Izraildi «maksimaldy ustamdylyq» saqtaýǵa shaqyrdy.
Reuters málimetinshe, BUU Qaýipsizdik keńesiniń Izrail jáne Palestina boiynsha ashyq keńesi 16 mamyr, jeksenbi kúnine josparlandy.
AQSh memlekettik hatshysy Entoni Blinken Vashingtonnyń ashyq jáne BUU-men ashyq kelissózderdi tolyq qoldap otyrǵanyn rastaǵany habarlanyp otyr.
