16 qarashada BUU Qaýipsizdik keńesi Palestina-Izrail daǵdarysy boiynsha Malta usynǵan qarardy qabyldady. Ony Qaýipsizdik keńesiniń 12 múshesi jaqtap, keńes múshelerinen eshkim qarsy bolmady, úsh el – Resei, AQSh jáne Ulybritaniia qalys qaldy. Bul jóninde BUU resmi saitynda habarlady, dep jazady Azattyq.
Qaýipsizdik keńesiniń músheleri qararda barlyq taraptan halyqaralyq quqyq, onyń ishinde halyqaralyq gýmanitarlyq quqyq boiynsha, ásirese beibit turǵyndardy, eń aldymen balalardy qorǵaý boiynsha óz mindetin oryndaýdy talap etti.
Rezoliýtsiia "HAMAS" radikaldy toby men basqa da toptar kepilde ustap otyrǵan adamdardy, eń aldymen balalardy dereý jáne eshqandai shartsyz bosatýǵa shaqyrady".
Bul — 7 qazanda bastalǵan Izrail-HAMAS qaqtyǵysynan keiin Qaýipsizdik keńesi qabyldaǵan birinshi rezoliýtsiia. Buǵan deiin Qaýipsizdik keńesine daýysqa salýǵa birneshe qarar shyǵaryldy, biraq onyń bireýi de qabyldanǵan joq.
AQSh Braziliia daiyndaǵan rezoliýtsiia jobasyna, al Resei men Qytai AQSh usynysyna veto qoiǵan.
7 qazanda HAMAS radikal tobynyń Izraildiń ońtústigine shabýyl jasady. Izrailde 1400 adam qaza taýyp, sodyrlar shamamen 250 adamdy Gazaǵa kúshtep alyp ketken. Buǵan jaýap retinde Izrail HAMAS tobyna (AQSh, EO, Izrailde terrorlyq uiym dep tanylǵan) soǵys jariialap, Gazaǵa áýeden shabýyl jasady. Qazan aiynyń sońynda Izrail qorǵanys armiiasy sektor aýmaǵyna kirip, jermen shabýyl bastaǵan.
HAMAS baqylaýyndaǵy Gaza sektorynyń densaýlyq saqtaý ministrliginiń aqparatyna sáikes, Izrail shabýylynan 11 myńnan asa adam qaza bolǵan.
