16 قاراشادا بۇۇ قاۋٸپسٸزدٸك كەڭەسٸ پالەستينا-يزرايل داعدارىسى بويىنشا مالتا ۇسىنعان قاراردى قابىلدادى. ونى قاۋٸپسٸزدٸك كەڭەسٸنٸڭ 12 مٷشەسٸ جاقتاپ, كەڭەس مٷشەلەرٸنەن ەشكٸم قارسى بولمادى, ٷش ەل – رەسەي, اقش جەنە ۇلىبريتانييا قالىس قالدى. بۇل جٶنٸندە بۇۇ رەسمي سايتىندا حابارلادى, دەپ جازادى ازاتتىق.
قاۋٸپسٸزدٸك كەڭەسٸنٸڭ مٷشەلەرٸ قاراردا بارلىق تاراپتان حالىقارالىق قۇقىق, ونىڭ ٸشٸندە حالىقارالىق گۋمانيتارلىق قۇقىق بويىنشا, ەسٸرەسە بەيبٸت تۇرعىنداردى, ەڭ الدىمەن بالالاردى قورعاۋ بويىنشا ٶز مٸندەتٸن ورىنداۋدى تالاپ ەتتٸ.
رەزوليۋتسييا "حاماس" راديكالدى توبى مەن باسقا دا توپتار كەپٸلدە ۇستاپ وتىرعان ادامداردى, ەڭ الدىمەن بالالاردى دەرەۋ جەنە ەشقانداي شارتسىز بوساتۋعا شاقىرادى".
بۇل — 7 قازاندا باستالعان يزرايل-حاماس قاقتىعىسىنان كەيٸن قاۋٸپسٸزدٸك كەڭەسٸ قابىلداعان بٸرٸنشٸ رەزوليۋتسييا. بۇعان دەيٸن قاۋٸپسٸزدٸك كەڭەسٸنە داۋىسقا سالۋعا بٸرنەشە قارار شىعارىلدى, بٸراق ونىڭ بٸرەۋٸ دە قابىلدانعان جوق.
اقش برازيلييا دايىنداعان رەزوليۋتسييا جوباسىنا, ال رەسەي مەن قىتاي اقش ۇسىنىسىنا ۆەتو قويعان.
7 قازاندا حاماس راديكال توبىنىڭ يزرايلدٸڭ وڭتٷستٸگٸنە شابۋىل جاسادى. يزرايلدە 1400 ادام قازا تاۋىپ, سودىرلار شامامەن 250 ادامدى گازاعا كٷشتەپ الىپ كەتكەن. بۇعان جاۋاپ رەتٸندە يزرايل حاماس توبىنا (اقش, ەو, يزرايلدە تەررورلىق ۇيىم دەپ تانىلعان) سوعىس جارييالاپ, گازاعا ەۋەدەن شابۋىل جاسادى. قازان ايىنىڭ سوڭىندا يزرايل قورعانىس ارميياسى سەكتور اۋماعىنا كٸرٸپ, جەرمەن شابۋىل باستاعان.
حاماس باقىلاۋىنداعى گازا سەكتورىنىڭ دەنساۋلىق ساقتاۋ مينيسترلٸگٸنٸڭ اقپاراتىنا سەيكەس, يزرايل شابۋىلىنان 11 مىڭنان اسا ادام قازا بولعان.
