Qasym-Jomart Toqaev «In Conversation with President Tokayev» atty arnaiy paneldik sessiiaǵa qatysty. Jiynǵa «Bloomberg Television» júrgizýshisi Manýs Krenni moderatorlyq jasady, dep habarlaidy "Ult aqparat" Aqordanyń resmi saityna silteme jasap.
Suraq-jaýap formatynda ótken ashyq talqylaý barysynda Qazaqstan Prezidenti halyqaralyq saiasattaǵy syn-qaterler boiynsha, ásirese Eýropada bolyp jatqan geosaiasi teketirester aiasynda Resei-Ýkraina qaqtyǵystary tóńiregindegi oqiǵalarǵa qatysty birqatar suraqqa jaýap berdi.
Resei-Ýkraina qaqtyǵysyn beibit jolmen sheshý joldaryna qatysty suraqqa jaýap bergen Qazaqstan Prezidenti kelissózderdi jalǵastyra berýdiń mańyzdy ekenin atap ótti.
Qasym-Jomart Toqaevtyń pikirinshe, bul qaqtyǵysty sheshýge taraptardyń erik-jigeri qajet. Sonymen qatar Memleket basshysy halyqaralyq qaýymdastyqtaǵy pikir qaishylyǵy men atalǵan máseleni sheshýde BUU Qaýipsizdik Keńesiniń qaýqarsyzdyq tanytyp otyrǵanyna toqtaldy.
– BUU eshqashan mundai yńǵaisyz jaǵdaiǵa tap bolǵan emes. Tipti «Qyrǵi-qabaq soǵys» kezinde de Birikken Ulttar Uiymynyń birligi budan áldeqaida myǵym edi. Men BUU-nyń bolashaǵyna qatty alańdaimyn. Osy rette, kópqyrly saiasatqa senemin. Bul rette men halyqaralyq qaýymdastyqtyń birlik tanytyp, yntymaqtasa otyryp, eki memlekettiń beibit bitimge kelýi úshin oń yqpal etýi kerek dep sanaimyn, – dedi Memleket basshysy.
Sonymen qatar Prezident Reseige salynǵan aýyr sanktsiialyq saiasat saldarynan Qazaqstan qandai ekonomikalyq zardap shegýi múmkin degen moderatordyń suraqtaryna jaýap berdi.
Ashyq áńgime barysynda álemdik energetika naryǵynda qalyptasqan qazirgi jaǵdaiǵa, halyqaralyq saýda máselesine bailanysty ǵalamdyq syn-qaterler de talqylandy.
