قاسىم-جومارت توقاەۆ «In Conversation with President Tokayev» اتتى ارنايى پانەلدٸك سەسسيياعا قاتىستى. جيىنعا «Bloomberg Television» جٷرگٸزۋشٸسٸ مانۋس كرەنني مودەراتورلىق جاسادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
سۇراق-جاۋاپ فورماتىندا ٶتكەن اشىق تالقىلاۋ بارىسىندا قازاقستان پرەزيدەنتٸ حالىقارالىق ساياساتتاعى سىن-قاتەرلەر بويىنشا, ەسٸرەسە ەۋروپادا بولىپ جاتقان گەوساياسي تەكەتٸرەستەر اياسىندا رەسەي-ۋكراينا قاقتىعىستارى تٶڭٸرەگٸندەگٸ وقيعالارعا قاتىستى بٸرقاتار سۇراققا جاۋاپ بەردٸ.
رەسەي-ۋكراينا قاقتىعىسىن بەيبٸت جولمەن شەشۋ جولدارىنا قاتىستى سۇراققا جاۋاپ بەرگەن قازاقستان پرەزيدەنتٸ كەلٸسسٶزدەردٸ جالعاستىرا بەرۋدٸڭ ماڭىزدى ەكەنٸن اتاپ ٶتتٸ.
قاسىم-جومارت توقاەۆتىڭ پٸكٸرٸنشە, بۇل قاقتىعىستى شەشۋگە تاراپتاردىڭ ەرٸك-جٸگەرٸ قاجەت. سونىمەن قاتار مەملەكەت باسشىسى حالىقارالىق قاۋىمداستىقتاعى پٸكٸر قايشىلىعى مەن اتالعان مەسەلەنٸ شەشۋدە بۇۇ قاۋٸپسٸزدٸك كەڭەسٸنٸڭ قاۋقارسىزدىق تانىتىپ وتىرعانىنا توقتالدى.
– بۇۇ ەشقاشان مۇنداي ىڭعايسىز جاعدايعا تاپ بولعان ەمەس. تٸپتٸ «قىرعي-قاباق سوعىس» كەزٸندە دە بٸرٸككەن ۇلتتار ۇيىمىنىڭ بٸرلٸگٸ بۇدان ەلدەقايدا مىعىم ەدٸ. مەن بۇۇ-نىڭ بولاشاعىنا قاتتى الاڭدايمىن. وسى رەتتە, كٶپقىرلى ساياساتقا سەنەمٸن. بۇل رەتتە مەن حالىقارالىق قاۋىمداستىقتىڭ بٸرلٸك تانىتىپ, ىنتىماقتاسا وتىرىپ, ەكٸ مەملەكەتتٸڭ بەيبٸت بٸتٸمگە كەلۋٸ ٷشٸن وڭ ىقپال ەتۋٸ كەرەك دەپ سانايمىن, – دەدٸ مەملەكەت باسشىسى.
سونىمەن قاتار پرەزيدەنت رەسەيگە سالىنعان اۋىر سانكتسييالىق ساياسات سالدارىنان قازاقستان قانداي ەكونوميكالىق زارداپ شەگۋٸ مٷمكٸن دەگەن مودەراتوردىڭ سۇراقتارىنا جاۋاپ بەردٸ.
اشىق ەڭگٸمە بارىسىندا ەلەمدٸك ەنەرگەتيكا نارىعىندا قالىپتاسقان قازٸرگٸ جاعدايعا, حالىقارالىق ساۋدا مەسەلەسٸنە بايلانىستى عالامدىق سىن-قاتەرلەر دە تالقىلاندى.
