Álemde múgedektigi bar 1 milliardqa jýyq adamnyń ishinde COVID-19 koronavirýsynan qaitys bolǵandar sany joǵary bolýda, pandemiia saldarynan olardyń quqyqtaryn qamtamasyz etý de nasharlady. Bul týraly BUU Bas hatshysy Antonio Gýterresh málimdedi, dep habarlaidy "Ult aqparat".
«COVID-19 indetine bailanysty daǵdarys qoǵamnyń barlyq salalaryna keri áserin tigizdi. Búgin men pandemiianyń álemde múgedektigi bar 1 milliard adamǵa qalai áser etkenine toqtap ótemin. Jarymjan adamdar – virýstan bolǵan ólim oqiǵalary sany jaǵynan birinshi orynda», - dep jazdy ol óziniń Twitter-degi akkaýntynda.
BUU Bas hatshysy múgedektigi bar adamdardyń quqyqtarynyń qorǵalýyn, ásirese meditsinalyq kómekke qoljetimdiligin kepildendirý qajettiligi týraly sóz qozǵap, pandemiiaǵa qarsy kúres aiasynda bilikti bul adamdarǵa erekshe nazar aýdarýǵa shaqyrdy.
Eske sala ketsek, Dúniejúzilik densaýlyq saqtaý uiymy 11 naýryz kúni COVID-19 jańa koronavirýs infektsiiasynyń taralýyn pandemiia dep jariialady. DDSU-nyń sońǵy málimetteri boiynsha, álemde virýs juqtyrýdyń 3,5 millionnan astam oqiǵasy tirkelgen, 243 myńnan astam adam qaitys boldy.
