ەلەمدە مٷگەدەكتٸگٸ بار 1 ميللياردقا جۋىق ادامنىڭ ٸشٸندە COVID-19 كوروناۆيرۋسىنان قايتىس بولعاندار سانى جوعارى بولۋدا, پاندەمييا سالدارىنان ولاردىڭ قۇقىقتارىن قامتاماسىز ەتۋ دە ناشارلادى. بۇل تۋرالى بۇۇ باس حاتشىسى انتونيو گۋتەررەش مەلٸمدەدٸ, دەپ حابارلايدى "ۇلت اقپارات".
«COVID-19 ٸندەتٸنە بايلانىستى داعدارىس قوعامنىڭ بارلىق سالالارىنا كەرٸ ەسەرٸن تيگٸزدٸ. بٷگٸن مەن پاندەمييانىڭ ەلەمدە مٷگەدەكتٸگٸ بار 1 ميلليارد ادامعا قالاي ەسەر ەتكەنٸنە توقتاپ ٶتەمٸن. جارىمجان ادامدار – ۆيرۋستان بولعان ٶلٸم وقيعالارى سانى جاعىنان بٸرٸنشٸ ورىندا», - دەپ جازدى ول ٶزٸنٸڭ Twitter-دەگٸ اككاۋنتىندا.
بۇۇ باس حاتشىسى مٷگەدەكتٸگٸ بار ادامداردىڭ قۇقىقتارىنىڭ قورعالۋىن, ەسٸرەسە مەديتسينالىق كٶمەككە قولجەتٸمدٸلٸگٸن كەپٸلدەندٸرۋ قاجەتتٸلٸگٸ تۋرالى سٶز قوزعاپ, پاندەميياعا قارسى كٷرەس اياسىندا بيلٸكتٸ بۇل ادامدارعا ەرەكشە نازار اۋدارۋعا شاقىردى.
ەسكە سالا كەتسەك, دٷنيەجٷزٸلٸك دەنساۋلىق ساقتاۋ ۇيىمى 11 ناۋرىز كٷنٸ COVID-19 جاڭا كوروناۆيرۋس ينفەكتسيياسىنىڭ تارالۋىن پاندەمييا دەپ جارييالادى. ددسۇ-نىڭ سوڭعى مەلٸمەتتەرٸ بويىنشا, ەلەمدە ۆيرۋس جۇقتىرۋدىڭ 3,5 ميلليوننان استام وقيعاسى تٸركەلگەن, 243 مىڭنان استام ادام قايتىس بولدى.
