QR Syrtqy ister ministri Beibit Atamqulov BUU Bas hatshysynyń arnaiy ókili - BUU Ortalyq Aziiadaǵy preventivtik diplomatiia jónindegi óńirlik ortalyǵynyń basshysy Natalia Germandy qabyldady, dep habarlaidy "Ult aqparat" ministrliktiń baspasóz qyzmetine silteme jasap.
Kezdesý barysynda beibitshilik pen qaýipsizdik, terrorizmge qarsy kúres, sý-energetikalyq problematikasy, preventivti diplomatiiany nyǵaitý salalaryndaǵy óńirlik yntymaqtastyq máseleleri talqylandy.
Syrtqy saiasi vedomstvosynyń basshysy Qazaqstannyń BUU Óńirlik ortalyǵynyń qyzmetin qoldaityn atap ótti. Ornyqty damý, beibitshilik jáne qaýipsizdikti qamtamasyz etý salalaryndaǵy Qazaqstannyń bastamalarymen tanystyrdy.
N. German terrorizmge qarsy kúreske Qazaqstannyń úlesi, atap aitqanda, Siriia aýmaǵynan qazaqstandyq azamattardy shyǵarý jónindegi «Jýsan» gýmanitarlyq operatsiiasynyń nátijelerin joǵary baǵalady. Operatsiia nátijesi boiynsha áskeri qaqtyǵys bolyp jatqan aýmaqtarynan 600-ge jýyq azamat shyǵarylǵan. N. Germannyń aitýynsha, uqsas operatsiiany ótkizý boiynsha tájiribeni qabyldaýǵa qyzyǵýshylyqty bildirip, Qyrǵyzstan jáne Tájikstan Qazaqstannyń jolyn tańdady.
Óńirlik ortalyǵynyń basshysy áielder men jastardy qaqtyǵystardy aldyn alý men sheshý, beibitshilik qurý, bitimgershilik protsesterine qatystyrýǵa baǵyttalǵan Óńirlik ortalyǵynyń jańa bastamalaryn habarlady.
Taraptar transshekaralyq sý paidalaný jáne qorǵaý máselelerine erekshe kóńil bóp, sý yntymaqtastyǵy boiynsha Ortalyq Aziia elderimen birlesken kópjyldyq tujyrymdamasyn daiyndaý qajettigin atap etildi.
BUU Ortalyq Aziiadaǵy preventivti diplomatiia jónindegi óńirlik ortalyǵy qaqtyǵystardy aldyn alý salasyndaǵy óńirlik elderiniń áleýetin nyǵaitý úshin 2007 jylǵy 10 jeltoqsanda Ashǵabat qalasynda Ortalyq Aziia elderiniń bastamasymen ashylǵan.
Eske salaiyq, «Jýsan» gýmanitarlyq operatsiiasy - aýqymdy aktsiia. Bul bastamany Tuńǵysh Prezident - Elbasy Nursultan Nazarbaev usyndy. 2018 jyldan beri júzege asyrylýda.
Siriiadan qazaqstandyqtardyń alǵashqy legi biylǵy 6 qańtarda elge jetkizilgen bolatyn.
7-9 mamyr kúnderi atalmysh elden Qazaqstannyń taǵy 231 azamaty oraldy.
Keshendi sharalar nátijesinde qaqtyǵys aimaǵynan elimizge jalpy 357 bala qaitaryldy.
28-31 mamyrda «Jýsan» arnaiy gýmanitarlyq aktsiiasynyń sońǵy kezeńi ótkizilgen edi.
