Álemdik qaýymdastyq virýstyń asa qaýipti shtamdarynyń paida bolýyna qaýip tóndiretin koronavirýstyń qarqyndy taralýyn toqtatýy tiis. Bul týraly sársenbide BUU Bas hatshysy Antoniý Gýterrish málimdedi, dep habarlaidy BUU jańalyqtary.
«Búgin álemde COVID-19 pandemiiasynyń aiasynda taǵy bir qaiǵyly rekord ornatyldy. Osy virýstyń saldarynan tórt million adam qaitys boldy», - dedi BUU Bas hatshysy.
«Eger virýs orman órti siiaqty taralsa, kóptegen milliondaǵan adamdarǵa qaýip tónedi. Ol neǵurlym kóp taralsa, soǵurlym juqpaly, ólimge ákeletin jáne qoldanystaǵy vaktsinalardyń tiimdiligi azaitatyn shtamdar paida bolady», - dedi Dúniejúzilik uiymnyń basshysy.
Gýterrish sonymen qatar jahandyq vaktsinatsiia josparyn júzege asyrý úshin Tótenshe jumys tobyn qurýǵa shaqyrdy. Bas hatshynyń usynysyna sáikes, oǵan vaktsinalar shyǵarýǵa múmkindigi bar barlyq elder, sondai-aq Dúniejúzilik densaýlyq saqtaý uiymy, vaktsinalar jónindegi jahandyq alians jáne tiisti farmatsevtikalyq kompaniialarmen jáne óndirýshilermen jumys isteýge qabiletti halyqaralyq qarjy institýttary kirýi kerek.
