COVID-19 pandemiiasy - adamzat úshin sońǵy emes, sondyqtan kelesisine daiyndalý kerek. Bul týraly BUU Bas hatshysy Antoniý Gýterresh málimdedi, dep habarlaidy Sputnik.
Jyl saiyn 27 jeltoqsanda álemde Epidemiiaǵa qarsy halyqaralyq daiyndyq kúni atalyp ótedi. Ony BUU Bas Assambleiasy 2020 jyldyń qarashasynda jariialady.
"COVID-19 adamzat tap kelgen sońǵy indet bolmaidy. Densaýlyq saqtaý salasyndaǵy bul daǵdaryspen kúresý barysynda biz kelesisine daiyndalýymyz kerek. Epidemiiaǵa qarsy halyqaralyq daiyndyq kúninde osy máselege nazar aýdaraiyq jáne ol qajet etetin investitsiiany atap óteiik", - dep jazdy Gýterresh óziniń Twitter paraqshasynda.
Pandemiia – bul búkil álemge, birneshe kórshi el men qurylyqqa taralatyn keń aýqymdy indet.
Dúniejúzilik densaýlyq saqtaý uiymy 2020 jyldyń 11 naýryzynda jańa koronavirýs infektsiiasynyń (COVID-19) taralýyn pandemiia dep jariialady.
Djons Hopkins ýniversitetiniń (AQSh) málimetinshe 2021 jyldyń 26 jeltoqsanyndaǵy jaǵdai boiynsha álemde COVID-19 infektsiiasyn 279 millionnan astam adam juqtyryp, 5,3 millionnan astam adam qaitys boldy.
Ásirese AQSh, Úndistan, Braziliia Ulybritaniia jáne Resei turǵyndary indetten kóp zardap shekti.
COVID-19-ǵa qarsy vaktsinalardy ázirleý salasynda kúsh-jigerdi úilestirý úshin Dúniejúzilik densaýlyq saqtaý uiymy halyqaralyq klinikalyq synaqtardy tirkeý platformasyn qurdy. Qazirgi ýaqytta álemde 168 vaktsina klinikalyq synaqtan ótip jatyr.
Dúniejúzilik densaýlyq saqtaý uiymy maquldaǵan nemese áli saraptamadan ótip jatqan vaktsinalar tizimine AQSh, Qytai, Ulybritaniia, Úndistan, Ońtústik Koreia, Resei jáne Kýbanyń 24 preparaty kirdi. 2021 jyldyń 17 jeltoqsanyndaǵy jaǵdai boiynsha DDSU tótenshe jaǵdaida qoldanýǵa arnalǵan toǵyz COVID-19 vaktsinasyn tirkedi.
