Sýret: Instagram.com
Búgin BUU Bas hatshysy Antoniý Gýterrish Halyqaralyq kóshi-qon uiymynyń (HKU) izgi niet elshisi, álemge áigili ánshi Dimash Qudaibergenmen kezdesti.
"4 shildede HKU Izgi niet elshisi retinde ShYU sammiti aiasynda Qazaqstanǵa saparmen kelgen BUU Bas hatshysy Antoniý Gýterrish myrzamen kezdestim. Kóshi-qondaǵy mańyzdy máseleni talqylanyp, bul baǵyttaǵy jumystardy qoldaitynymdy aittym. Bas hatshy kóshi-qon salasynyń mańyzdy tustaryna toqtaldy", - dep jazdy D.Qudaibergen óziniń áleýmettik jelidegi paraqshasynda.
Sonymen qatar, Bas hatshy A.Gýterrish Dimashtyń óneri búkil álem boiynsha milliondaǵan adamdy tánti etip, onyń daýysy adam quqyqtaryn qorǵaýda jáne jalpy sanany arttyrýda qomaqty úles qosatynyn atap ótti.
"Men óz talantymdy álemdegi ońtaily ózgeristerge paidalana alatynyma rizamyn. Sondyqtan búgingi túsken fotosýretti qýana otyryp kópshilik nazaryna usynamyn", - dedi ánshi.
Eske sala keteiik, Astanadaǵy ShYU sammitiniń qarsańynda BUU Bas hatshysy Antoniý Gýterrish Silk Way-ge bergen ekskliýzivti suhbatynda atalǵan sammit pen Qazaqstannyń osy uiymdaǵy róli týraly pikirin bildirdi.
