Birikken Ulttar Uiymy (BUU) Aýǵanstanda soǵys kezinde qaitys bolǵan ne jaraqat alǵan balalar sanynyń kóbeiip jatqanyna alańdaidy.
Uiymnyń 22 maýsymda jariialaǵan "Balalar jáne qarýly janjaldar" atty baiandamasynda 2020 jyly Aýǵanstanda 760 bala qaza taýyp, 1859-y jaraqat alǵany jazylǵan. Olardyń ishinen 1 098 jetkinshek tálipterdiń ne basqa kóterilisshilerdiń qolynan oqqa ushyp nemese jaralanǵan bolsa, 962 bala úkimet áskeriniń qolynan ajal qushqan ne zardap shekken.
"Jasy kámeletke tolmaǵan balalar soǵysta paidalanylyp, jynystyq zorlyq kórip keledi" dep jazylǵan baiandamada.
Byltyr jeltoqsannyń aiaǵynda 164 er bala jáne bir qyz reabilitatsiia ortalyǵyna jiberilgen. Budan bólek 318 bala (kóbi aýǵan azamaty emes) soǵysqa qatysyp jatqan toptarǵa bailanysy bar degen aiyppen qamalǵan analarymen birge túrmede otyr.
Baiandamadaǵy málimetke sáikes, 2020 jyly álemdegi 21 qarýly janjalda 19 myńnan astam bala túrli zorlyq-zombylyq qurbany bolǵan. Mundai jaǵdailardyń kóbi Aýǵanstan, Kongo demokratiialyq respýblikasy, Somali, Siriia jáne Iemende tirkelgen.
