بٸرٸككەن ۇلتتار ۇيىمى (بۇۇ) اۋعانستاندا سوعىس كەزٸندە قايتىس بولعان نە جاراقات العان بالالار سانىنىڭ كٶبەيٸپ جاتقانىنا الاڭدايدى.
ۇيىمنىڭ 22 ماۋسىمدا جارييالاعان "بالالار جەنە قارۋلى جانجالدار" اتتى بايانداماسىندا 2020 جىلى اۋعانستاندا 760 بالا قازا تاۋىپ, 1859-ى جاراقات العانى جازىلعان. ولاردىڭ ٸشٸنەن 1 098 جەتكٸنشەك تەلٸپتەردٸڭ نە باسقا كٶتەرٸلٸسشٸلەردٸڭ قولىنان وققا ۇشىپ نەمەسە جارالانعان بولسا, 962 بالا ٷكٸمەت ەسكەرٸنٸڭ قولىنان اجال قۇشقان نە زارداپ شەككەن.
"جاسى كەمەلەتكە تولماعان بالالار سوعىستا پايدالانىلىپ, جىنىستىق زورلىق كٶرٸپ كەلەدٸ" دەپ جازىلعان باياندامادا.
بىلتىر جەلتوقساننىڭ اياعىندا 164 ەر بالا جەنە بٸر قىز رەابيليتاتسييا ورتالىعىنا جٸبەرٸلگەن. بۇدان بٶلەك 318 بالا (كٶبٸ اۋعان ازاماتى ەمەس) سوعىسقا قاتىسىپ جاتقان توپتارعا بايلانىسى بار دەگەن ايىپپەن قامالعان انالارىمەن بٸرگە تٷرمەدە وتىر.
بايانداماداعى مەلٸمەتكە سەيكەس, 2020 جىلى ەلەمدەگٸ 21 قارۋلى جانجالدا 19 مىڭنان استام بالا تٷرلٸ زورلىق-زومبىلىق قۇربانى بولعان. مۇنداي جاعدايلاردىڭ كٶبٸ اۋعانستان, كونگو دەموكراتييالىق رەسپۋبليكاسى, سومالي, سيرييا جەنە يەمەندە تٸركەلگەن.
