BUU pandemiiamen kúresý úshin kedei elderge kómektespeitin bolsaq, onda búkil álemde qaqtyǵystar, ashtyq pen kedeilik bolatynyn eskertti. Bul týraly BUU jańalyqtary saitynda habarlandy.
BUU halyqaralyq uiymdarǵa pandemiiamen kúresý úshin kedei elderge 6,7 mlrd dollar bólýge shaqyrdy. Kóptegen kedei elderde pandemiianyń sharyqtaý shegi birneshe aidan keiin bolady. Alaida búginde milliondaǵan adamdar jumysynan aiyrylyp, ómir súrýge qarajatsyz qaldy.
Atalǵan Halyqaralyq uiym gýmanitarlyq kómek kórsetýdiń jańartylǵan josparyn tanystyrdy. Ol kezde kómekke qajetti sýmma eki mlrd dollar dollar bolsa, búginde ol qarajat jaǵdaidyń kúrdelenýine bailanysty 6,7 mlrd dollarǵa ósken.
«COVID-19 pandemiiasy bul barlyǵymyz úshin synaq. Alaida álemdegi kedei elder óte qiyn jaǵdailarda qalyp otyr. Qazirdiń ózinde olardyń migrantttardan keletin jáne týrizmnen túsetin qarajattary qysqardy», - dedi BUU Bas hatshysynyń gýmanitarlyq máseleler boiynsha orynbasary Mark Lokok virtýaldy konferentsiiada.
Sondai-aq, ol sózinde pandemiianyń osy saldaryn joiýmen kúrespeitin bolsaq, onyń zardabyn kedei elder ǵana emes búkil álem tartatyndyǵyn jetkizdi.
