بۇۇ پاندەمييامەن كٷرەسۋ ٷشٸن كەدەي ەلدەرگە كٶمەكتەسپەيتٸن بولساق, وندا بٷكٸل ەلەمدە قاقتىعىستار, اشتىق پەن كەدەيلٸك بولاتىنىن ەسكەرتتٸ. بۇل تۋرالى بۇۇ جاڭالىقتارى سايتىندا حابارلاندى.
بۇۇ حالىقارالىق ۇيىمدارعا پاندەمييامەن كٷرەسۋ ٷشٸن كەدەي ەلدەرگە 6,7 ملرد دوللار بٶلۋگە شاقىردى. كٶپتەگەن كەدەي ەلدەردە پاندەمييانىڭ شارىقتاۋ شەگٸ بٸرنەشە ايدان كەيٸن بولادى. الايدا بٷگٸندە ميلليونداعان ادامدار جۇمىسىنان ايىرىلىپ, ٶمٸر سٷرۋگە قاراجاتسىز قالدى.
اتالعان حالىقارالىق ۇيىم گۋمانيتارلىق كٶمەك كٶرسەتۋدٸڭ جاڭارتىلعان جوسپارىن تانىستىردى. ول كەزدە كٶمەككە قاجەتتٸ سۋمما ەكٸ ملرد دوللار دوللار بولسا, بٷگٸندە ول قاراجات جاعدايدىڭ كٷردەلەنۋٸنە بايلانىستى 6,7 ملرد دوللارعا ٶسكەن.
«COVID-19 پاندەميياسى بۇل بارلىعىمىز ٷشٸن سىناق. الايدا ەلەمدەگٸ كەدەي ەلدەر ٶتە قيىن جاعدايلاردا قالىپ وتىر. قازٸردٸڭ ٶزٸندە ولاردىڭ ميگرانتتتاردان كەلەتٸن جەنە تۋريزمنەن تٷسەتٸن قاراجاتتارى قىسقاردى», - دەدٸ بۇۇ باس حاتشىسىنىڭ گۋمانيتارلىق مەسەلەلەر بويىنشا ورىنباسارى مارك لوكوك ۆيرتۋالدى كونفەرەنتسييادا.
سونداي-اق, ول سٶزٸندە پاندەمييانىڭ وسى سالدارىن جويۋمەن كٷرەسپەيتٸن بولساق, ونىڭ زاردابىن كەدەي ەلدەر عانا ەمەس بٷكٸل ەلەم تارتاتىندىعىن جەتكٸزدٸ.
