Uzaq jumys kúni insýlt pen júrek aýrýyna shaldyqtyrady jáne jylyna júzdegen myń adamnyń ólimine ákep soqtyrady, dep habarlaidy "Ult aqparat" BUU jańalyqtary agenttigine silteme jasap.
BUU-nyń eki jetekshi mekemesiniń jańa birlesken zertteýi kórsetkendei, kóp jumys isteý kásibi aýrýlardyń qaýip faktoryna ainalǵan.
Environment International jýrnalynda jariialanǵan zertteýdi Dúniejúzilik densaýlyq saqtaý uiymy (DDSU) jáne Halyqaralyq eńbek uiymy (HEU) júrgizdi. Bul – jumys kúniniń shamadan tys uzaqtyǵynan bolatyn ólim men aýrýdy jahandyq taldaýdyń alǵashqy áreketi.
Máselen, 2016 jyly insýlt pen júrektiń ishemiialyq aýrýynan 745 000 adam qaitys boldy. Olardyń barlyǵy aptasyna keminde 55 saǵattan jumys istegen. Bul kórsetkish 2000 jylmen salystyrǵanda 29 paiyzǵa kóp. Artyq jumys isteitin adamdardyń sany kún sanap ósip keledi jáne qazirgi ýaqytta álem halqynyń 9 paiyzyn quraidy.
Sonymen birge, zertteýshiler aptasyna 55 saǵat nemese odan da kóp jumys jasaityndarda 35-40 saǵat jumys isteitinderge qaraǵanda insýlt qaýpi shamamen 35 paiyzǵa, al júrektiń ishemiialyq aýrýy qaýpi 17 paiyzǵa artatynyn anyqtady. Jańa taldaý COVID-19 pandemiiasy kezinde jumys ýaqytyn uiymdastyrý máselesi kóterilgendikten júrgizilýde.
«COVID-19 pandemiiasy kóptegen adamdardyń jumysyn aitarlyqtai ózgertti, – dedi DDU bas direktory doktor Tedros Adhanom Gebreiiýs. – Qashyqtan jumys jasaý kóptegen salada qalypty jaǵdaiǵa ainaldy. Kóptegen kásiporyndar aqshany únemdeý maqsatynda jumysty toqtata turýǵa nemese tolyǵymen jabýǵa májbúr boldy, al jalaqy alatyn adamdar uzaq jumys isteýge májbúr».
Sarapshylardyń aitýynsha, er adamdar áielderge qaraǵanda jumys júktemesi saldarynan jiirek óledi: olar jumyspen bailanysty ólimniń 72 paiyzyn quraidy. Shamadan tys jumys júktemesi, ádette egde jastaǵylarǵa áser etedi.
Mysaly, ólimniń kópshiligi 60-79 jas aralyǵyndaǵy adamdar arasynda tirkelgen, olar 45 pen 74 jas aralyǵynda aptasyna 55 saǵattan artyq jumys istegen. Sondai-aq jumys saldarynan densaýlyǵy syr beretinderdiń eń kóp bóligi Batys Tynyq muhity men Ońtústik-Shyǵys Aziia aimaǵynyń turǵyndary ekeni belgili boldy.
