Foto: Májilis baspasóz qyzmetinen
Depýtat Nartai Sársenǵaliev "sý basqan óńirlerge ótemaqy jedel jáne ádiletti, tolyq kólemde tólenýi tiis jáne komissiialar sý ketkenin kútpei qazirden bastap úilerge júzip baryp, aralyq akt jasaýy shart" dep otyr. Bul týraly ol sársenbide ótken Májilis otyrysynda aitty, - dep habarlaidy "Ult Aqparat".
"Aptanyń aiaǵynda qarǵyn sýdan qatty zardap shekken Atyraý oblysyndaǵy Qulsary qalasy men Batys Qazaqstan oblysyna aiaqtai bardyq. Qulsaryda 2900 úi sý astynda qalǵan.
Batys Qazaqstan oblysyndaǵy ahýal da kóńil kónshitpeidi, qazirdiń ózinde 1226 úidi, 1905 saiajaidy sý basyp qalǵan. 450 úi qirap qaldy. Endigi qater Jaiyq ózeninen. Jaiyqtyń kórshi eldegi eń joǵarǵy deńgeii 11,87 metr boldy, endi sol sý bizdiń elge qarai jóńkilep keledi.
Jaiyq ózeni BQO-ń 600 shaqyrym jerine aǵyp ótedi, ondaǵy arnanyń eń biik núktesi 8,5 metr. Demek kele jatqan sý qalyptaǵydan 3 metrden astam joǵary. Jaiyqtyń boiynda 84 eldi-meken bar, ol jaqta 126 000 adam turady degen derek aldyq. El eleńdep otyr, úrei de joq emes", degen depýtat tótenshe jaǵdai kezindegi halyqtyń birligine tánti bolyp, "qarapaiym halyqty kedeilikke ákelgen burynǵy júieniń bai-baǵlandary qazirgi tabiǵi apattan upai jinaý úshin jantalasyp jatyr" degendi aitty.
Nartai Aralbaiuly qazirgi sý tasqynynyń betin qaitarýy tiis bolǵan bógetter men bógenderdiń salynbaýy, kanaldardyń retke keltirilmeýi 30 jyl boiǵy salǵyrttyq pen jemqorlyq ekenin, Qazaqstandaǵy sý qoimalary men bógetter 50-70 jyldary salynǵanyn aitady.
"Biylǵy tasqynnyń aldyn alý nege múmkin bolmady degen suraq týady. Oǵan sebep ǵylymǵa jaǵdaidyń jasalmaýy. Saldarynan 90-shy jyldardyń toqyraýynda 40 myń ǵalym salany tastap ketýge májbúr bolǵan.
Osynsha olqylyqqa, iaki qylmysqa jol bergen 30 jyldyq eski júieniń shabarmandary, búgingi jańa býynǵa qarsy aqparattyq soǵys ashyp álek.
Olar jalǵan aqparattyń jarǵa jyǵatynyn bilse de, aǵaiyndy arandatý úshin baryn salyp álek. Biraq qazaqtyń birlikti birinshi orynǵa qoiatynyn jáne ultynyń qamyn qulqynynyń qamynan artyq qoiǵandardy umytpaitynyn bilý kerek olar", - dedi depýtat Sársenǵaliev.
