Foto: Ashyq derekkóz
QMA Almaty qalasy boiynsha departamenti "Eńbek resýrstaryn damytý ortalyǵy" AQ jáne "Birinshi kredittik biýro" JShS laýazymdy tulǵalaryna qatysty iri kólemde para alý jáne para berý deregi boiynsha sotaldy tergeýdi bastady, - dep habarlaidy Ult.kz.
Tergeý barysynda "Birinshi kredittik biýro" JShS basshylyǵy qarjy uiymdarynyń suranystaryn óńdeýge aqparattyq qyzmet kórsetý kezinde "Eńbek resýrstaryn damytý ortalyǵy" AQ basshylyǵyna júieli túrde zańsyz syiaqy bergeni anyqtaldy.
28 maýsymda Almaty qalasy boiynsha Ekonomikalyq tergep-tekserý departamentiniń qyzmetkerleri jedel izdestirý is-sharalaryn ótkizgen. Osy kezde 75 myń AQSh dollary kólemindegi para berý kezinde birneshe adam ustalǵan. Olar:
R.Omarov – "Birinshi kredittik biýro" JShS-niń bas direktory;
A.Sarbasov – "Eńbek resýrstaryn damytý ortalyǵy" AQ-nyń basshysy, buǵan deiin Eńbek jáne halyqty áleýmettik qorǵaý ministrliginiń birinshi vitse-ministri qyzmetin atqarǵan;
D.Arǵandyqov – "Eńbek resýrstaryn damytý ortalyǵy" AQ-nyń burynǵy basshysy, buryn densaýlyq saqtaý jáne áleýmettik damý vitse-ministri qyzmetin atqarǵan.
Almaty qalasy boiynsha Ekonomikalyq tergep-tekserý departamentiniń qyzmetkerleri jedel izdestirý is-sharalaryn ótkizgen.
"Kúdiktilerdiń turǵylyqty jerin tintý barysynda 370 myń AQSh dollary jáne 4,5 mln teńge kólemindegi aqsha tárkilendi. 30 maýsymda sot sanktsiiasymen A.Sarbasovqa, R.Omarovqa jáne D.Arǵandyqovqa 2 ai merzimge qamaýǵa alý túrindegi bultartpaý sharasy qoldanyldy. Tergeý jalǵasyp jatyr", - dep jazylǵan habarlamada.
Eske salaiyq, buǵan deiin Qazaqstanda burynǵy vitse-ministr ustalǵany habarlandy.
