Foto: primeminister.kz
Astananyń Esil aýdandyq soty burynǵy energetika vitse-ministri Anatolii Shkarýpanyń Qarjy ministrligine qatysty moraldyq shyǵyndy óteý týraly talap aryzy boiynsha azamattyq isti qarady, - dep habarlaidy "Ult aqparat".
Buǵan deiin sot Shkarýpany iri kólemde biýdjet qarajatyn jymqyrý isi boiynsha aqtap shyqqan bolatyn.
Onyń Qarjy ministrligin sotqa berýine sot úkimi boiynsha kinásiz dep tanylyp, qylmystyq quqyq buzýshylyqtardy jasaýǵa qatysqany týraly aiǵaqtardyń bolmaýyna bailanysty aqtalǵany sebep bolǵan. Sot sheshimi boiynsha, qylmystyq protsesti júrgizgen tergeý organdarynyń zańsyz áreketterinen kelgen ziiandy óteýge quqyǵy bar dep tanylǵan.
"2018 jyly talapkerdi Bas prokýratýranyń jedel-tergeý toby qamaýǵa alyp, tergeý sotynyń sanktsiiasy boiynsha qamaýǵa alý túrindegi syrttai bultartpaý sharasymen ýaqytsha ustaý izoliatoryna qamaldy.
Qaraǵandy qalasy Qazybekbi aýdandyq sotynyń 2021 jylǵy 26 qańtardaǵy úkimi boiynsha, Shkarýpa A.V. QR QK-niń 189-baby 4-bóligi 2-tarmaǵynda kózdelgen qylmysty jasaǵany úshin kinásiz dep tanylyp, qylmystyq quqyq buzýshylyq quramynyń bolmaýyna bailanysty aqtaldy", - dedi elordalyq sottyń baspasóz qyzmeti ókilderi.
2021 jyldyń sáýirinde Qaraǵandy oblystyq sotynyń qylmystyq ister jónindegi sot alqasy birinshi satydaǵy sottyń úkimin ózgerissiz qaldyrǵany aityldy.
"Sot otyrysynda Qylmystyq-protsestik kodekstiń 4-taraýyna sáikes, talapkerdi aqtaý jáne keltirilgen ziiandy óteý quqyǵy tanylǵany naqty anyqtaldy", - delingen astanalyq sot málimetinde.
Sot Anatolii Shkarýpanyń talap aryzyn ishinara qanaǵattandyrdy.
"QR Qarjy ministrliginen 10 million teńge kóleminde moraldyq zalal óndirildi. Sot qorytyndysy zańsyz qýdalaýǵa jáne qoǵamnan oqshaýlaýǵa bailanysty talapker "qamaý" bultartpaý sharasyn qoldaný arqyly moraldyq zardap shekkeni dáleldendi, - dep habarlady Astana sotynyń baspasóz qyzmeti.
Bul qaýly zańdy kúshine engen joq.
