Foto: inbusiness.kz
Qanat Mýsin Konstitýtsiialyq sottyń sýdiasy bolyp sailandy, - dep habarlaidy Tengrinews.kz portaly.
Onyń kandidatýrasyn Májilis otyrysynda palata tóraǵasy Erlan Qoshanov usyndy.
"Qanat Sergeiuly Mýsindi jaqsy bilesizder, ol uzaq jyldar boiy quqyqtyq qorǵaý jáne ádilet organdarynda qyzmet etti, Májilis depýtaty, komitet tóraǵasy boldy. Qazirgi ýaqytta ol elimizdiń ádilet ministri qyzmetin atqarady", - dedi Májilis spikeri Erlan Qoshanov.
Májilis depýtattary Qanat Mýsin, Erkin Ońǵarbaev, Sergei Ýdartsevtiń kandidatýralaryna daýys berdi. Olar jańa qyzmetterine 2023 jyldyń 1 qańtarynan bastap kirisedi.
"Konstitýtsiianyń 58-baby 3-tarmaǵy 7-tarmaqshasyna sáikes Parlament Májilisiniń tóraǵasy Qanat Sergeiuly Mýsindi, Erkin Ánýaruly Ońǵarbaevty, Sergei Fedoruly Ýdartsevti qyzmetke taǵaiyndaý týraly usynys engizildi", - dedi Májilis depýtaty Arman Qojahmetov.
Qanat Mýsin Ádilet ministri qyzmetinen bosatyldy.
