Qaraǵandy oblysynyń qylmystyq ister jónindegi mamandandyrylǵan aýdanaralyq sotynda burynǵy qurbysyna 20 ret pyshaq salǵan jigitke qatysty úkim shyǵaryldy, dep habarlaidy "Ult aqparat".
Kisi óltirýge oqtalǵany úshin aiyptalyp otyrǵan 23 jastaǵy qaraǵandylyqqa qatysty qylmystyq is Qaraǵandy oblysynyń qylmystyq ister jónindegi mamandandyrylǵan aýdanaralyq sotynda qaraldy. Sottalýshy óziniń burynǵy qyzyn óltirgisi kelmegenin aityp, kinásin moiyndamady. Sottalýshynyń advokaty sottan aiyptaý babyn qaita qaraýdy surady.
Alaida sýdia Bekzat Shalǵymbaev is boiynsha jinalǵan barlyq materialdardy zerttep, protseske qatysýshylardyń barlyǵyn tyńdap, sottalýshyny 11 jyl 3 aiǵa bas bostandyǵynan aiyrdy. Sot úkimi áli zańdy kúshine engen joq. Sottalýshy men onyń qorǵaýshysy Qaraǵandy oblystyq sotyna apelliatsiialyq shaǵym túsirdi.
Esterińizge sala keteiik, ótken jyldyń qazan aiynda 23 jastaǵy er adam óziniń burynǵy súiiktisine 20 pyshaq jaraqatyn salyp, qylmys ornynan qashyp ketti. Bir aidan keiin tártip saqshylary ony ustady.
