قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا بۇرىنعى قۇربىسىنا 20 رەت پىشاق سالعان جٸگٸتكە قاتىستى ٷكٸم شىعارىلدى, دەپ حابارلايدى "ۇلت اقپارات".
كٸسٸ ٶلتٸرۋگە وقتالعانى ٷشٸن ايىپتالىپ وتىرعان 23 جاستاعى قاراعاندىلىققا قاتىستى قىلمىستىق ٸس قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى. سوتتالۋشى ٶزٸنٸڭ بۇرىنعى قىزىن ٶلتٸرگٸسٸ كەلمەگەنٸن ايتىپ, كٸنەسٸن مويىندامادى. سوتتالۋشىنىڭ ادۆوكاتى سوتتان ايىپتاۋ بابىن قايتا قاراۋدى سۇرادى.
الايدا سۋديا بەكزات شالعىمباەۆ ٸس بويىنشا جينالعان بارلىق ماتەريالداردى زەرتتەپ, پروتسەسكە قاتىسۋشىلاردىڭ بارلىعىن تىڭداپ, سوتتالۋشىنى 11 جىل 3 ايعا باس بوستاندىعىنان ايىردى. سوت ٷكٸمٸ ەلٸ زاڭدى كٷشٸنە ەنگەن جوق. سوتتالۋشى مەن ونىڭ قورعاۋشىسى قاراعاندى وبلىستىق سوتىنا اپەللياتسييالىق شاعىم تٷسٸردٸ.
ەستەرٸڭٸزگە سالا كەتەيٸك, ٶتكەن جىلدىڭ قازان ايىندا 23 جاستاعى ەر ادام ٶزٸنٸڭ بۇرىنعى سٷيٸكتٸسٸنە 20 پىشاق جاراقاتىن سالىپ, قىلمىس ورنىنان قاشىپ كەتتٸ. بٸر ايدان كەيٸن تەرتٸپ ساقشىلارى ونى ۇستادى.
