Almatyda áielin uryp-soqqan Aleksandr Kim sot sheshimimen qamaýǵa alyndy, dep habarlaidy PD baspasóz qyzmeti.
"Burynǵy jubaiyna dene jaraqatyn salǵan adam ustaldy. Sot sheshimimen uryp-soqqany úshin jáne bótenniń múlkin qasaqana búldirgeni úshin ol 25 táýlik merzimge ákimshilik qamaýǵa alynyp, aiyppul salyndy", - dep habarlady Almaty politsiia departamenti.
Alaida, Almaty sotynyń baspasóz qyzmeti Kimniń 25 emes, 15 táýlikke qamaýǵa alynǵanyn habarlady. Múlikti búldirgeni úshin (burynǵy jubaiynyń telefony) oǵan 15 táýlikke qamaýǵa alý, al taǵy 10 táýlik - uryp-soǵý deregi boiynsha. Jazany ishinara qosý arqyly sot aqyry Kimge 15 kún qamaýǵa alýdy taǵaiyndady. Almaty PD relizinde aitylǵan aiyppul týraly sotta aitylmady.
Eske salaiyq, buǵan deiin áleýmettik jelide áieldi aiaýsyz urǵan er adamnyń videosy taralǵan edi. Artynsha er adam keshirim surady.
