Sýret: Almaty ákimdigi
Alataý aýdanynyń burynǵy ákimi Azamat Qaldybekov Almaty ákiminiń orynbasary bolyp taǵaiyndaldy.
Ákimdik dereginshe, Almaty ákimi Erbolat Dosaevtyń ókimimen Almaty qalasy ákiminiń orynbasary bolyp Azamat Qaldybekov taǵaiyndaldy.
Azamat Qaldybekov 1984 jyly 11 qazanda dúniege kelgen.
Ál-Farabi atyndaǵy Qazaq ulttyq ýniversitetin "Halyqaralyq quqyq" mamandyǵy boiynsha bitirgen, "Bolashaq" baǵdarlamasy boiynsha Diýk ýniversitetinde (Soltústik Karolina, AQSh) "quqyq magistri" dárejesin alǵan, Qazaq ulttyq agrarlyq zertteý ýniversitetinde "filosofiia doktory" (Phd) ǵylymi dárejesin alǵan.
Eńbek jolyn 2007 jyly Almaty qalasy Bostandyq aýdany №2 aýdandyq sotynyń jetekshi mamany qyzmetinen bastaǵan.
Ár jyldary Ulttyq bank, "Samuryq-Qazyna" AQ, "Azamattarǵa arnalǵan úkimet" memlekettik korporatsiiasy" KEAQ qurylymdarynda jumys istedi.
2018 jyly Almaty qalasy ákiminiń bas inspektory boldy.
2018 jyldyń shildesinen 2019 jyldyń naýryzyna deiin Almaty qalasy Jetisý aýdany ákimi apparatynyń basshysy qyzmetin atqardy.
2019 jyldyń naýryz-qazan aralyǵynda Almaty qalasy jer qatynastary basqarmasy basshysynyń orynbasary bolyp eńbek etti.
