Kollaj: Ult.kz
QR Mádeniet jáne aqparat ministrliginiń tapsyrysy boiynsha jáne Ulttyq kino ortalyǵynyń qoldaýymen «Búrkitshi» kórkem filminiń túsirilim jumystary bastaldy. Film Sh.Aimanov atyndaǵy «Qazaqfilm» ulttyq kinostýdiiasynda túsirilýde, dep habarlaidy Ult.kz.
Atalǵan joba 2024 jylǵy kinojobalar pitchinginiń jeńimpazy atanyp, memlekettik biýdjet qarajaty esebinen júzege asyrylýda. Stsenarii avtorlary – Qýanysh Stahanov, Efrat Sháripov. Qoiýshy rejisser – Qýanysh Stahanov. Túsirilim alańynda shyǵarmashyl jastar kóp, bul joba jas daryndardyń kásibi ósýine úlken múmkindik berip otyr.
Filmniń siýjeti ózekti áleýmettik máselelerdi qamtidy.
«Búrkitshi» filmi ulttyq kinoóndiristi damytýǵa jáne zamanaýi qoǵamnyń ózekti máselelerin kóteretin áleýmettik mańyzy bar kontent jasaýǵa baǵyttalǵan.
Aita keteiik, buǵan deiin Mádeniet jáne aqparat ministrligi men Ulttyq kinony qoldaý ortalyǵynyń qoldaýymen 118 filmniń óndirisi aiaqtaldy.
